Pilotët grekë dhe amerikanë kanë kryer të hënën manovra ushtarake në qiellin e Detit Jon në kuadër të operacioneve të NATO-s. Sipas deklaratës së Aleancës Veriatlantike, manovrat kanë për qëllim të sigurohen për gatishmërinë operacionale të shteteve anëtare.
Në kuadër të operacionit të koduar si Sulmi i Neptunit 2022 që ka nisur në fund të janarit, luftanija amerikane Harry Truman ka kaluar një javë me ushtrinë spanjolle, gjermane, greke dhe italiane duke përgatitur operacione në Evropën Lindore dhe Mesdhetare.
Një zyrtar i NATO-s ka thënë se është synuar që bombarduesit të testohen për të parë nëse mund të dërgohen nga Evropa jugore drejt Evropës Veriore përgjatë Detit Jon, Rumanisë, Polonisë dhe shteteve baltike.
Megjithëse operacioni ishte planifikuar para krizës, NATO-ja duket se po mundohet t’i tregojë muskujt si pjesë e përpjekjeve të NATO-s për të demonstruar gatishmërinë pas përplasjes me Moskën për Ukrainën.
