Sot në parlament do të betohen edhe 3 deputetë të rinj nga radhët e opozitës duke e çuar në total 99 numrin e ligjvënësve.
Adriatik Alimadhi, kreu i Ballit Kombëtar ka pranuar mandatin e deputetit dhe do të bëjë betimin sot në Parlament.
Në zgjedhjet e 2017, Alimadhi ka qenë në listat e kandidatëve të Partisë Demokratike.
Në një prononcim për median Alimadhi deklaroi se kishte pranuar mandatin pasi kështu kishte vendosur kryesia e partisë së tij dhe se Basha nuk ka zbatuar asnjë marrëveshje.
“Mandati i Ballit Kombëtar do të vihet në funksionim të plotë të kauzës së Mithat Frashërit dhe Shqipërisë etnike.
Të gjitha marrëveshjet PD nuk i ka zbatuar ndaj Ballit Kombëtar dhe jam dëshmitar.
Jam konsultuar me zotin Basha dhe personalisht jam në dispozicion të vendimit të kryesisë së partisë”, tha ai.
