Drejtoria e Përgjithshme e Policisë së Shtetit ka përgënjeshtruar lajmet e publikuara në media, mbi arratisjen e ish-deputetit socialist, Alqi Bllako. Në një njoftim të fundit, policia sqaron se ky shtetas ndodhet në Drejtorinë Vendore të Policisë Tiranë që prej mbrëmjes së djeshme.
“Sqarojmë se shtetasi Alqi Bllako është vetëdorëzuar konform detyrimit ligjor për zbatimin e masës së sigurisë “Arrest në burg”, lëshuar dje nga Gjykata e Posaçme e Shkallës së Parë për Korrupsionin dhe Krimin e Organizuar”, thuhet në njoftimin e Policisë.
