Ambasada e Shteteve të Bashkuara të Amerikës në Kosovë ka uruar qytetarët e vendit në 13 vjetorin e shpalljes së Pavarësisë së Kosovës.
Përmes një postimi në faqen zyrtare, Ambasada ka thënë se partneriteti SHBA-Kosovë mbetet i palëkundur.
“Teksa festojmë Ditën e Pavarësisë së Kosovës, partneriteti SHBA-Kosovë mbetet i palëkundur. Ne jemi pranë njerëzve të Kosovës ndërsa ju punoni për të ndërtuar një shtëpi të drejtë, paqësore dhe të begatë për të gjithë qytetarët e Kosovës. # Kosova13”, thuhet në urimin e ambasadës.
