Ambasada e SHBA-së në Tiranë ka dalë në një deklaratë në lidhje me draftin paraprak të Komisionit të Venecias, për emërimet në Gjykatën Kushtetuese.
Në deklaratë, Ambasada e SHBA-së në Tiranë, ku fton palët politike që të respektojnë procesin e Komisionit të Venecias.
“Nxisim të gjitha palët që të respektojnë procesin e Komisionit të Venecias, përfshi kërkesën për konfidencialitet të projekt-opinionit deri sa të finalizohet. Mirëpresim vendimin e qeverisë për të mos ndërmarrë veprime të mëtejshme lidhur me legjislacionin përkatës derisa opinioni të finalizohet”, thekson Ambasada e SHBA-së.
Ambasada e SHBA-së në Tiranë shprehet se ka mirëpritur edhe deklaratën e Presidenti Meta duke afirmuar rëndësinë e një vendimi pozitiv nga BE për hapjen e negociatave.
“Po ashtu mirëpresim deklaratën e bërë nga Presidenti Meta gjatë konferencës së tij për shtyp me Presidentin e Bullgarisë, duke afirmuar rëndësinë e një vendimi pozitiv nga BE për të hapur negociatat drejt anëtarësimit për Shqipërinë. Duhet të qëndrojmë të përqendruar tek ajo që ka më shumë rëndësi – sundimi i ligjit dhe e ardhmja e Shqipërisë në Europë”, shprehet Ambasada e SHBA-së në Tiranë./ATSH/
