Ambasadori i Britanisë së Madhe në Kosovë, Nicholas Abbott, përmes një postimi në rrjetin social ‘Twitter’ ka thënë se e respekton dorëheqjen e Hashim Thaçit nga pozita e presidentit, pas konfirmimit të aktakuzës nga Gjykata Speciale.
Gjithashtu, Abbott ka shkruar se do të mështesë Vjosa Osmanin për të mbrojtur stabilitetin, si u.d. e presidentes.
“Ne e respektojmë dorëheqjen e Presidentit Thaçi, në interes të Kosovës dhe do të mbështesim Osmanin, si ushtruese e detyrës së Presidentit, për të mbrojtur stabilitetin”, ka shkruar ambasadori britanik.
Gjatë ditës së sotme është konfirmuar aktakuza nga Gjykata Speciale ndaj ish-krerëve të UÇK-së, Hashim Thaçi, Kadri Veseli e Rexhep Selimi.
Dy të parët dhanë dorëheqje nga funksionet e tyre politike, Thaçi nga pozita e presidentit e Veseli nga pozita e deputetit dhe e kryetarit të PDK-së.
