Ambasadori i Mbretërisë së Bashkuar në vendin tonë, Norman Duncan, ka monitoruar procesin e zgjedhjeve në Durrës.
Në një deklaratë për mediat, ai ka bërë thirrje qytetarëve të marrin pjesë në zgjedhje.
“Është shumë kënaqësi që të jem serish në Durrës. Unë mendoj se ndërkombëtarët të shihen që po monitorojnë. Dhe ka shumë ndërkombëtarë që po monitorojnë zgjedhjet këtë herë. Ne si ambasadë britanike kemi 8 ekipe të cilat po monitorojnë në të gjithë vendin dhe gjithashtu po mbështesim përmes projekteve tona rreth 600 vëzhgues të përkohshëm. Qytetarët duhet të votojnë për partinë që do të donin të votonin”.
Më herët thirrje për të votuar ka bërë dhe Ambasadori i BE-së Luigi Soreca dhe Ambasadorja e Amerikës, Yuri Kim.
