Ambasadori i Britanisë së Madhe në Kosovë, Nicholas Abbott, ka pritur sonte kryetarin e Lëvizjes Vetëvendosje, Albin Kurti, dhe kandidaten për kryeministre nga radhët e LDK-së, Vjosa Osmani.
Në këtë takim ishte i pranishëm edhe Drejtori i Përgjithshëm për Çështje Politike në Ministrinë e Punëve të Jashtme në Londër, Richard Moore.
Kurti dhe Osmani janë dy kandidatët më të votuar në zgjedhjet nacionale të 6 tetorit në Kosovë.
“Sonte kam pritur për darkë në Rezidencën time Richard Moore, Drejtor i Përgjithshëm për Çështje Politike në Ministrinë e Punëve të Jashtme në Londër, Albin Kurtin dhe Vjosa Osmanin”, ka shkruar Abbott në Facebook./KosovaPress/
