Ambasadori i BE-së në Tiranë ka dalë nga mbledhja në selinë e PD-së, duke u shprehur se është treguar i qartë me kreun e PD-së, Lulzim Basha, në lidhje me vendimin për lënien e mandateve të deputetëve të opozitës.
Ambasadori Soreca ka folur shkurtimisht për median duke theksuar atë që tashmë është bërë e ditur, që BE nuk e pranon dorëheqjen e të gjithë opozitës nga mandatet e tyre politike.
Soreca ka folr në lidhje dhe me protestën që pritet të bëhet nesër para parlamentit, duke thënë se pret që të mos ketë dhunë gjatë tubimi.
“Fola me secilin dhe është mjaft e rëndësishme për të ndarë këto pozicione. BE ka qenë mjaft i qartë, i kemi shpjeguar liderit të PD dhe pozicionin tonë. Është e rëndësishme për të folur dhe diskutuar. Nesër është një ditë e rëndësishme, presim që të mos jetë e dhunshme, procesi demokratik duhet të prevalojë”, tha ai.
