Marrëdhëniet politike mes Londrës dhe Moskës janë praktikisht të vdekura, deklaroi sot ambasadori rus në Londër, Andrei Kelin, pas rishikimit strategjik përsa i përket mbrojtjes së qeverisë britanike që e prezanton Rusinë si një kërcënim i madh për Britaninë e Madhe.
Qeveria britanike ka vendosur të çojë nga 180 në 260, një rritje me 45%, tavanin maksimal të stoqeve të saj të kokave bërthamore, për herë të parë që prej rrëzimit të Bashkimit Sovjetik, në përfundim të rishikimit strategjik përsa i përket sigurisë, mbrojtjes dhe politikës së jashtme.
Ky ndryshim i strategjisë, pas angazhimit të marrë nga Londra në vitin 2010 për të reduktuar stoqet deri në mes të dhjetorit 2020, është justifikuar nga një gamë në rritje e kërcënimeve teknologjike dhe doktrinale, sipas dokumentit.
Në një intervistë për radion LBC, ambasadori rus, Andrei Kelin, deklaroi se ky vendim kishte qenë një e papritur e madhe./ATSH/
