Komisioni Qendror i Zgjedhjeje i ndalon ambasadorit të Shqipërisë në SHBA, Ervin Bushati të marrë pjesë në Inaugurimin e Presidentit të Shteteve të bashkuara të Amerikës Donad Trump të hënën e datës 21 janar.
Gazetari Isa Myzeraj thekson për “Ora News” se ka qenë Komisioni Qëndror i Zgjedhjeve që i ka ndaluar pjesëmarrjen Bushatit në këtë ngjarje që do të jetë ndër më të rëndësishmet e vitit 2025.
Shkak ndalimin e pjesëmarrjes është bërë njoftimi me vonesë në KQZ nga ana e Ministrisë së Europës dhe Punët e Jashtme të pjesëmarrjes së Bushatit në inaugurim.
Kodi zgjedhor parashikon se prej datës 11 janar të gjithaaktivitetet duhet të njoftohen të paktën 5 ditë para në KQZ, dhe në rast të shkeljes së këtij afati aktiviteti ose pjesëmarrja në të e zyrtarëve shtetëror ndalohet.
Në formularin e plotësuar nga Ministria shihet që Bushati ka qenë i ftuar të marrë pjesë në inagurim në Kapitol Hill në orën 18:00 me folës kryesor Presidentin Donald Trump, por KQZ thotë se kjo veprimtari është e ndaluar për shkak se është në shkelje të afatit 5 ditor gjate regjistrimit.
Prej datës 11 janar KQZ ka ndaluar 23 veprimtari ose pjesëmarrjen në këto ngjarje të zyrtarëve shtetëror.
Inaugurimi i Donald Trump
Inaugurimi i Presidentit Donald Trump do të mbahet në ambiente të mbyllura pasi kryeqyteti amerikan Uashington është bllokuar në temperatura nën zero.
Trump shkroi në platformën e tij në internet “Truth Social” se ai kishte urdhëruar që fjalimi inaugurues i së hënës, lutjet dhe fjalimet e tjera të mbaheshin në Kapitol Dome.
“Ka një shpërthim arktik që përfshin gjithë vendin. Unë nuk dua të shoh njerëz në kushte të tilla moti në asnjë mënyrë”, shpjegoi presidenti i zgjedhur.
“Në çdo rast, nëse vendosni të vini, vishuni ngrohtë!”, shkroi Trump.
Tradicionalisht, ceremonia zhvillohet jashtë në anën perëndimore të Kapitolit. Një ceremoni presidenciale zakonisht tërheq turma të mëdha në Qendrën Kombëtare, shëtitoren e madhe midis Kapitolit dhe Memorialit të Lincoln.
Trump shkroi se një arenë sportive në qendër të Uashingtonit do të jetë e hapur për vizitorët për të parë drejtpërdrejt inaugurimin përmes transmetimit.
