Ambasadorja e Francës në Shqipëri, Catherine Suard komentoi ligjin mbi barazinë gjinore, duke theksuar se të drejtat e njeriut dhe barazia gjinore janë vlera thelbësore të Bashkimit Europian.
Gjatë një vizite në Korçë, ajo konfirmon deklaratat e mëparshme të kreut të PD, Sali Berisha dhe opozitës se BE nuk ka dhënë asnjë direktivë specifike për ligjin e barazisë gjinore, duke e quajtur iniciativën një çështje të brendshme të Shqipërisë.
“Ajo që mund të them është se të drejtat e njeriut, mosdiskriminimi dhe barazia gjinore janë në themel të BE-së. Nuk ka një direktivë të Bashkimit Europian për këtë ligj; të gjitha tekstet e BE-së mbrojnë të drejtat e njeriut dhe mungesën e diskriminimit. Ky është thelbi i së drejtës europiane dhe i diplomacisë franceze,” tha Suard.
