Ambasadorja Yuri Kim ka reaguar pas komunikimit me mediat që pati Komisioneri Shtetëror i Zgjedhjeve, Ilirjan Celibashi në lidhje me formatin e fletëve të votimit, dhe mënyrës sesi do të votohet më 25 prill.
Në një postim në Twitter, diplomatja amerikane shkruan se përcaktimi i formatit të fletëve të votimit është një lajm i mirë, pasi ato tashmë mund të printohen në kohë e të jenë gati ditën e zgjedhjeve.
Gjithashtu, Kim shprehet se SHBA mbështet fuqishëm KQZ-në dhe përpjekjet e saj për të siguruar që rregullat dhe kushtet e zgjedhjeve të jenë të drejta, në kohë dhe transparente.
