Ambasadori i Shteteve të Bashkuara të Amerikës, Christopher Hill, tha sot se Serbia ka nevojë për diversifikim dhe largim nga Rusia për sa i përket furnizimit me energji.
Hill, duke iu përgjigjur pyetjes së një gazetari se si e sheh ai marrëveshjen ndërmjet Serbisë dhe Hungarisë për ndërtimin e një tubacioni nafte që do t’i mundësonte Serbisë të furnizohej me “naftë më të lirë nga Uralet duke u lidhur me tubacionin e naftës Druzhba”, gjë që u konfirmua nga autoritetet hungareze, tha se nuk është në gjendje të komentojë për këtë sepse nuk i di detajet, por se Serbia duhet të largohet nga Rusia në çështjen e burimeve të energjisë.
Nuk e di nëse jam në gjendje të komentoj, nuk i di detajet, por Serbia duhet të diversifikojë sistemin e saj energjetik dhe të largohet nga Rusia në këtë drejtim. Për momentin, po punohet shumë për të ndihmuar Serbinë që të largohet nga Rusia dhe të ndalojë së qeni i varur nga burimet ruse të energjisë – u tha Hill gazetarëve në Akademinë Kombëtare të Administratës Publike, ku foli në konferencën “Administrata amerikane përmes pikëpamjes së një diplomati karriere”.
Ambasadori amerikan shtoi se Shtetet e Bashkuara të Amerikës janë këtu për të ndihmuar Serbinë që të bëhet e pavarur nga Federata Ruse. /blic.rs
