Drejtori sportiv i Parmës, Marcello Carli ka treguar dy arsyet pse bizneset amerikane janë duke investuar në Serie A dhe mirëpret në skuadër Joshua Zirkzee
Parma u përballë me napolin në “Diego Armando Maradona” duke humbur me rezultat 2-0.
Për momentin skuadra është në vendin e 19-të në Serie A dhe nuk dihet a do të mbetet në ligë sivjet.
“Ne nuk do të mbijetojmë me këtë treg të transferove, ne mund të mbijetojmë vetëm duke luftuar në fushë”, tha Carli për Sky Sport.
“Ne tani kemi një pronar të pasionuar dhe të përkushtuar. Ai ka burimet e mjaftueshme për ne, lojtarët tonë e dinë që sezoni duhet ta kthejnë në ritmin e duhur dhe duhet të luajnë në nivele të larta”.
Spezia pritet që t’i shitet edhe një fondi tjetër amerikan, pse amerikanët janë duke investuar në Serie A?
“Mendoj se janë dy arsye, e para nuk ka pronar të fuqishëm italian dhe pastaj mendoj që amerikanët e duan Italinë. Presidenti i jonë ka investuar edhe në dy biznese tjera në Piedmont, jo vetëm në Parma”.
“Të huajt joshën nga Italia dhe futbolli italian edhe nëse ne marrim kritika ndonjëherë”.
Parma është rrugës për të nënshkruar me Joshua Zirkzee nga Bayern Munich dhe tashmë kanë siguruar edhe shërbimet e Dennis Man.
“Presidenti i jonë preferon t’i transferojmë tani lojtarët e jo në qershor. Ai e kupton se nuk është lehtë të jesh në treg në Itali. Është një gjë e vështirë”.
Carli po ashtu ka refuzuar që të komentojë interesin e Parmës për të nënshkruar me Gianluca Scamacca.
“Kaq ishte djema, me duhet të shkoj…” ka thënë ai kur është pyetur për të ardhmen e sulmuesit të Genoas që është lidhur me një kalim në Ennio Tardini.
