Show - Biz
ANALIZA/ Një Shqipëri mbrojtëse, por edhe një Angli e brishtë. Notat e “The Times” për ndeshjen e Wembley
Kishte vënë një kapele bejsbolli dhe duart i kishte futur thellë në xhepat e palltos së tij të papërshkueshme nga uji — kishin kaluar 73 minuta dhe tashmë po binte shi mbi trajnerin e ri të Anglisë.
Diçka tjetër ishte në ajër: aeroplanë prej letre, ai simbol tradicional që tregon se turma në Wembley është e mërzitur. Jeta po i vinte me shpejtësi Thomas Tuchel-it.
Por më pas erdhi një zëvendësim i trefishtë, një krosim nga Declan Rice, një përfundim klasik nga Harry Kane. Tuchel shkëmbeu përgëzime — dhe lehtësim — me ndihmësin e tij Anthony Barry dhe nga ai moment u kuptua që Shqipëria këmbëngulëse ishte dorëzuar dhe Anglia do të ecte lehtë drejt fitores.
Pra, 2-0. I njëjti rezultat me të cilin Sir Gareth Southgate e nisi debutimin e tij (kundër Maltës) në një ndeshje që dukej po aq e zakonshme. Nuk ishte aq ndryshe — kjo do të ishte përmbledhja e 90 minutave të parë të Anglisë nën drejtimin e trajnerit të tyre të ri.
Tuchel kishte premtuar entuziasëm dhe intensitet, emocione në stilin e Premier League, por ndoshta ka disa gjëra që thjesht nuk mund të rregullohen, dhe futbolli ndërkombëtar në netë të tilla është një prej tyre. Netë kur një komb i madh luan në shtëpi kundër kundërshtarëve më të vegjël, pa shumë ambicie, por të organizuar mirë. Netë kur, duke ëndërruar për futbollin e klubeve, publiku e ndjek dhe pret shumë — dhe pavarësisht se çfarë ofron Anglia, nuk do të jetë e mjaftueshme.
Por, duke e parë me racionalitet, kjo ishte në rregull, diçka mbi të cilën mund të ndërtohet, një fillim. Dhe ndoshta nuk do t’i bëjë dëm Tuchel-it — pasi kritikoi epokën e Southgate — të përjetojë vetë disa nga sfidat me të cilat u përball paraardhësi i tij. Nuk do të ishte një zbulim për të që mund të mbështetesh te Kane, por ishte e vlefshme ta shihte me sytë e tij sa shumë është bërë Jude Bellingham lojtari dominues i Anglisë — dhe sa e vështirë është të nxjerrësh më të mirën nga disa të tjerë, veçanërisht Phil Foden.
Zëvendësimi i trefishtë — Jarrod Bowen, Morgan Rogers dhe Anthony Gordon në vend të Foden, Curtis Jones dhe Marcus Rashford — nuk ndryshoi asgjë taktikisht, por ishte sinjali i Tuchel-it për Anglinë që të zgjohej paksa pasi ishin në avantazh vetëm 1-0 dhe po ngadalësoheshin, duke humbur strukturën, kundër kundërshtarëve që mbroheshin thellë dhe me kompaktësi, ndërsa Armando Broja filloi të krijonte shqetësime në kundërsulm.
Pothuajse menjëherë pas ndryshimeve, Rice kishte topin në të djathtë, bëri një lëvizje dhe dërgoi një kros të mirë dhe të thellë. Arlind Ajeti e humbi topin dhe Kane e kontrolloi me një prekje të bukur përpara se të kthehej dhe ta godiste saktë poshtë portierit Thomas Strakosha.
Goli, i 70-ti për Anglinë — ishte i shkëlqyer, por nuk ishte ndeshja më e mirë e Kane. Ylli i vërtetë i Anglisë kishte qenë shënuesi i parë, Myles Lewis-Skelly, i cili me golin e tij kurorëzoi një paraqitje premtuese dhe u bë lojtari më i ri — me 18 vjet e 167 ditë — që shënoi në debutimin e tij për Anglinë.
Lewis-Skelly, energjik, i aftë, fleksibël dhe inteligjent, ishte një simbol i mirë për stilin e futbollit që Tuchel dëshiron të injektojë. Ai shkëlqeu si një mbrojtës i majtë tradicional në pjesën e parë përpara se të luante më i avancuar dhe të linte përshtypje në mesfushë në pjesën e dytë.
Bellingham lulëzoi, duke u ripozicionuar nga numri 10 në një mesfushor sulmues me energji. Asisti i tij për golin e Lewis-Skelly ishte një vepër arti. Rikthimi i Kyle Walker ishte një tjetër vendim që funksionoi për Tuchel, po ashtu edhe rikthimi i Rashford, deri në një pikë. Debutimi tjetër i Tuchel-it, Dan Burn? Një mbrëmje e përzier për gjigantin nga Newcastle, por ai meriton mundësi të tjera sepse, edhe në momentet e tij të vështira, tregoi qëndrueshmëri për aq kohë sa kishte në dispozicion.
Është e drejtë të thuhet se debutimi i Tuchel-it emocionoi Federatën Angleze të Futbollit. Në rrethin qendror të fushës, personeli ushtarak po valëviste një flamur gjigant me “Tre Luanët”, një shfaqje fishekzjarresh ndriçonte qiellin, dhe DJ i Wembleyt shtrëngonte grushtat dhe u drejtohej me entuziazëm tifozëve, teksa luante një këngë të re – me një ritëm tipik teknosh gjerman – kushtuar “Ushtrisë së Thomas Tuchel-it”.
Një banderolë gjigante kaloi pas njërës prej portave, ku shkruhej “Mirësevjen në shtëpinë e futbollit, Thomas”, ndërsa njoftuesi i stadiumit bërtiti “mirësevini… SHQIPËRI!” — sikur sapo të kishte hyrë Brazili, kur në fakt, në renditjen e FIFA-s ata janë mes Jordanisë dhe Burkina Fasos.
Shqipëria ishte mposhtur 5-0 pas 45 minutave të fundit në Wembley, në vitin 2021, dhe këtë herë ishte në modalitet mbrojtës, me lojtarët e saj të vendosur thellë, duke mbrojtur zonën dhe pa bërë thuajse asnjë përpjekje për të luajtur në minutat e para.
Ishte disi qesharake, pothuajse një parodi e një ekipi mysafir, dhe përqindja e zotërimit të topit nga Anglia pas 20 minutash ishte 91%.
Anglia u përpoq të ishte ndryshe, të sillte intensitetin e Premier League për të cilin Tuchel ka folur. Kane, Foden dhe Rashford qëndruan përpara, ndërsa Jones dhe Bellingham avancuan për të krijuar një pesëshe sulmuese.
Ata u përpoqën ta lëviznin topin shpejt dhe përpara, duke rrezikuar në zona të ngushta. Lëvizjet e guximshme diagonale nga thellësia ishin më të mirat dhe goli i Lewis-Skelly erdhi pikërisht nga një e tillë.
Por Anglia nuk ishte gjithmonë e rrjedhshme, e durueshme, dhe Tuchel pranoi se Foden dhe Rashford u paraqitën më mirë në stërvitje sesa në ndeshje. Mungonte ekzekutimi i saktë. Një shembull ishte në minutën e 13-të, kur Foden gjeti Jones, i cili e rrotulloi topin nën këmbën e tij për të mashtruar Kristjan Asllanin, por nuk arriti t’ia pasonte Kane-it në qendër.
Po ashtu, pasi Rashford depërtoi me vendosmëri, Bellingham i dha Kane-it një pasim delikat në zonë. Kane, nën presionin e Ivan Balliut, nuk arriti ta kontrollonte mirë topin.
Por pastaj, në minutën e 20-të, erdhi momenti i shkëlqyer. Bellingham u rrotullua mbi top për të shmangur Asanin dhe më pas dha një pasim të jashtëzakonshëm, duke nxjerrë jashtë loje gjashtë kundërshtarë, drejt zonës së Shqipërisë.
Ai e kishte parë vrapimin diagonal të Lewis-Skelly dhe topi mbërriti në mënyrë të përsosur në këmbët e adoleshentit, i cili thjesht e dërgoi topin nën Strakoshën në rrjetë. Ishte goli i tij i dytë në nivel të lartë, por ai e festoi sikur shënon çdo javë.
Tuchel pa disa nga gjërat që dëshironte, si më shumë prekje në zonën kundërshtare — Anglia kishte 34 të tilla, krahasuar me mesataren e tyre prej 26 në Euro 2024. Kishte gjithashtu një përmirësim në ndjekjen e kundërshtarëve dhe presionin, ku Rashford veçanërisht tregoi një përkushtim të ri në këtë aspekt. Por pasiguria që shpesh e mundon Anglinë nuk ishte zhdukur — çka solli momente tensioni, si kur Burn devijoi një krosim në traversën e Anglisë dhe më pas, duke u përplasur me Jordan Pickford, dërgoi topin në goditje këndi.
Bellingham filloi të dominonte. Rashford depërtoi kundër Balliut përpara se t’i pasonte topin në zonë Bellingham, por ai nuk arriti të kalonte Strakoshën. Pas një aksioni të mirë nga Foden në krahun tjetër, Kyle Walker krosoi dhe Bellingham tentoi me një goditje me kokë, por Strakosha e priti dhe Asllani devijoi përpjekjen pasuese të Kane mbi traun e portës.
Momenti më i mirë i Burn erdhi nga një goditje standarde. Rice ishte ai që jepte goditjet nga këndi dhe Anglia solli përsëri rutinën e “trenit të dashurisë” nga Kupa e Botës 2018. Burn u shkëput nga turma e lojtarëve dhe e dërgoi topin me kokë në traversën e Shqipërisë. Por kishte një moment rreziku kur Broja iu shmang atij dhe hyri në zonën e Anglisë. Walker arriti të mbulonte dhe më pas e shpëtoi përsëri Burn kur Broja e mposhti atë sërish.
Shqipëria, siç u kujtua, kishte shqetësuar Spanjën dhe Italinë në Europian. Pas një goditje me kokë të Kane që doli jashtë dhe një mundësie të humbur nga Foden, Anglia e gjeti veten ende vetëm një gol përpara duke hyrë në çerekun e fundit të lojës: në atë vend të çuditshëm ku ishin njëkohësisht në avantazh dhe të pasigurt.
I duhej një rikuperim i shkëlqyer nga Ezri Konsa për të ndalur Rey Manaj nga barazimi dhe goli i Kane siguroi qetësinë e Wembley-t. Por ajo mbetet një ndjenjë e brishtë. Mirësevjen në shtëpinë e futbollit, Thomas.
NOTAT
Anglia (4-3-3)
J Pickford 6 — K Walker 8, E Konsa 7, D Burn 6, M Lewis-Skelly 8; D Rice 7; C Jones 6; J Bellingham 8 — P Foden 6; H Kane 7 — M Rashford 7.
Shqipëria (4-2-1-3)
T Strakosha 8 — I Balliu 6, A Ajeti 7, B Djimsiti 7, N Aliji 7 — Y Ramadani 7, K Asllani 6 — Q Laci 6 — J Asani 7, M Uzuni 6, N Bajrami 6 (A Broja 63’, 6).
Prej më shumë se një jave portali qeveritar e-Albania vijon të ketë probleme në ofrimin e shërbimeve për qytetarët dhe bizneset.
Këto probleme vijojnë të shfaqen ku sërish vështirësitë hasen si për qytetarët për të aksesuar platformën, por edhe për bizneset.
Në një njoftim që shfaqet në faqen zyrtare të e-Albania vijon të shfaqet njoftimi: Drejtoria e Përgjithshme e Gjendjes Civile gjatë ditës së sotme do të realizojë një operacion mirëmbajtjeje dhe përmirësimi të sistemit elektronik të saj. Drejtoria e Përgjithshme e Gjendjes Civile do të realizojë operacione mirëmbajtjeje dhe përmirësimi të sistemit elektronik të saj. Ju informojmë se gjatë këtyre proçeseve mund të ketë ndërprerje të përkohshme apo ngadalësime në marrjen e të dhënave përmes ndërveprimit me Regjistrin Kombëtar të Gjendjes Civile. Kërkojmë mirëkuptimin tuaj për çdo vështirësi të mundshme që mund të haset në përdorimin e shërbimeve publike online.
Pesë ditë më parë më parë Aleanca për Profesionistët e lirë e ka ngritur në tej si problem pasi bizneset nuk arrijnë të marrin shërbime apo kryejnë pagesa.
Ndërsa ka renditur problemet e hasura, Aleanca kërkon sqarime të mëtejshme.
“Këto platforma janë sot infrastruktura bazë për regjistrime, deklarime, aplikime, pagesa dhe përmbushje detyrimesh ligjore. Ndërprerja e tyre, qoftë edhe e përkohshme, krijon pasiguri juridike, vonesa procedurale, rrezik penalitetesh dhe kosto shtesë për bizneset dhe profesionistët e lirë, të cilët varen pothuajse tërësisht nga shërbimet digjitale.”
Fenomeni ngre pikëpyetje jo vetëm mbi qëndrueshmërinë teknike të sistemeve, por edhe mbi menaxhimin e riskut, kapacitetet e back-up-it, komunikimin institucional dhe mekanizmat alternativë që duhet të aktivizohen në raste të tilla.
Në këtë kontekst, vlerësojmë të domosdoshme: transparencë më të madhe mbi shkaqet e ndërprerjeve dhe kohëzgjatjen e tyre; forcimin e sigurisë, qëndrueshmërisë dhe redundancës së sistemeve digjitale; parashikimin e procedurave alternative dhe shtyrjen automatike të afateve ligjore në raste mosfunksionimi të platformave; komunikim të qartë dhe në kohë me përdoruesit, për të shmangur pasigurinë dhe keqinterpretimet”, thuhet në ankesën e tyre”.
Jo vetëm me bizneset por portali ka shfaqur vështirësi edhe për individët, si regjistrimi i fëmijëve të porsalindur në sistem si dhe aplikimet për pajisjen me mjetin e identifikimit apo rinovimet e pasaportave.
Kjo çështje kthehet në një problem këtë periudhë fundviti teksa rikthimi i emigrantëve në atdhe është i lartë dhe i shfrytëzojnë ditët e pushimit edhe për tu marrë me dokumentacione.
Sulmet digjitale në Shqipëri kanë ardhur duke u sofistikuar përgjatë 12 muajve të fundit. Shpeshherë ato ndodhin në forma të fshehta, por pasojat në integritetin e të dhënave apo sigurinë e qytetarëve janë të dukshme dhe problematike.
Një monitorim i BIRN për hapësirën digjitale në Shqipëri për periudhën kohore shtator 2024-gusht 2025 identifikoi 115 shkelje në total, ku kryesojnë përmbajtjet e dëmshme dhe sjelljet kërcënuese, të ndjekura nga shkeljet e të drejtave ekonomike dhe aseteve digjitale.
Më të prekurit nga këto shkelje janë qytetarët dhe grupet e aktivistëve, ndërkohë që autorët e këtyre sulmeve janë një pjesë të paidentifikuar.
Transferimi i pothuajse të gjitha shërbimeve publike në platformën digjitale qeveritare “e-Albania” përgjatë viteve të fundit është shoqëruar jo vetëm me avantazhe për qytetarët, por edhe me rrisqe përsa i përket mbrojtjes së të dhënave të tyre personale.
Sipas ekspertëve, shkeljet digjitale më të rrezikshme janë përqendruar në sulmet ndaj infrastrukturave kritike të vendit, dezinformimin dhe manipulimin zgjedhor, mashtrimet financiare digjitale, si edhe sulmet online ndaj aktivistëve dhe gazetarëve.
Orkidea Xhaferaj, hulumtuese dhe drejtuese e Departamentit të Politikave Digjitale dhe Inovacionit pranë SCiDEV, i tha BIRN se prej vitesh ka një trend rritës të sulmeve kibernetike në Shqipëri, gjë që reflekton trendin global apo tranformimin digjital që po ndodh në vend.
“Sulmet ndaj infrastrukturave kritike janë më të rrezikshmet, pasi impaktojnë shërbimet publike, dhe së dyti sigurojnë akses të keqbërësve në të dhënat personale dhe sensitive të qytetarëve në masë,” i tha BIRN Orkidea Xhaferaj, duke përmendur si shembull sulmin ndaj Bashkisë Tiranë në qershor 2025, që la pa shërbim mijëra qytetarë.
Daniel Prroni, hulumtues pranë Institutit për Demokraci dhe Ndërmjetësim (IDM) shtoi më tej se një tjetër trend shkeljesh digjitale në 2025 konsiston pikërisht në përhapjen e dezinformimit gjatë fushatës zgjedhore të zgjedhjeve parlamentare të vitit 2025.
“Një tjetër rrezik gjatë këtij viti ka qenë përhapja e dezinformimit dhe manipulimit të informacionit, veçanërisht gjatë fushatës zgjedhore përmes përmbajtjeve të gjeneruara me AI, pa etiketime apo transparencë, dhe përdorimin të bot-eve për të amplifikuar mesazhe politike”, i tha BIRN Daniel Prroni.
Fushata zgjedhore e zgjedhjeve parlamentare të Majit 2025 u karakterizua nga një sërë shkeljesh etike në hapësirën online.
Edhe pse partitë kryesore të vendit nënshkruan Kodin e Etikës për Fushatën Digjitale, shumica e tyre përdorën dhe shpërndanë video të gjeneruara me Inteligjencë Artificiale që patën si efekt bullizëm kibernetik dhe dezinformim ndaj kundërshtarëve politikë. Gjithashtu më shumë se 50 faqe të ndryshme anonime online u përdorën për propagandë politike.
Ekspertët pranojnë gjithashtu se gjatë vitit 2025 të dhënat personale dhe financiare të qytetarëve janë ndikuar ndjeshëm prej një serie sulmesh “phishing” që kanë shënjestruar financat e tyre, sulme të sofistikuara të cilat kamuflohen sikur vijnë prej institucione reale të vendit.
“Mashtrimet digjitale dhe sulmet ‘phishing’ janë bërë gjithnjë e më të vështira për t’u dalluar nga komunikimet legjitime të institucioneve apo operatorëve ekonomik legjitim përmes imitimit të domain-eve të institucioneve shtetërore dhe kompanive private”, i tha BIRN hulumtuesi i IDM, Daniel Prroni.
Të njëjtën gjë konfirmon edhe ekspertja Xhaferaj, sipas të cilës skemat e mashtrimit financiar kanë impakt të drejtpërdrejtë në jetën e qytetarëve.
“Shitja apo rrjedhja e të dhënave personale nga sulmet phishing ndaj qytetarëve rrit vulnerabilitetet për sulme të tjera ndaj tyre”, i tha BIRN Orkidea Xhaferaj.
Autoriteti Kombëtar i Sigurisë Kibernetike (AKSK) ka paralajmëruar disa herë qytetarët të tregohen të kujdesshëm ndaj këtyre tentativave të mashtrimit që targetojnë të dhënat dhe financat e tyre.
Një kategori tjetër që janë prekur nga shkeljet në sferën digjitale janë aktivistët e të drejtave të njeriut, gazetarët, apo anëtarët e komuniteteve vulnerabël, që vijojnë të jenë shënjestër e sulmeve të cilat jo pak herë konsistojnë edhe në kërcënime me jetë apo fushata linçimi që ndikojnë ndjeshëm në mirëqënien e këtyre personave.
Sipas Indeksit Botëror të Lirisë së Shtypit, Shqipëria renditet e 80 nga 180 vende, duke u theksuar se gazetarët janë viktima të akteve të indimidimit nga politikanët dhe krimi i organizuar.
Prroni i tha BIRN se këto sulme ndaj aktivistëve apo gazetarëve vijojnë të mbeten një shqetësim për lirinë e shprehjes.
“Kërcënimet dhe bullizmi kibernetik gjithashtu kanë përbërë një volum të lartë të shkeljeve. Qytetarët e angazhuar në publik dhe grupet e margjinalizuara janë sulmuar vazhdimisht online, shpesh nga njerëz të paidentifikuar”, tha Prroni për BIRN.
“Në thelb, këto sulme kanë synuar të krijojnë një klimë frike dhe presioni që nxit vetëcensurën e gazetarëve dhe shkurajon pjesëmarrjen e qytetarëve në jetë publike”, shtoi ai.
Ekspertët janë të mendimit se ndërgjegjësimi i qytetarëve ndaj këtyre sulmeve është hapi kyç në adresimin e kësaj situate.
“Ndërgjegjësimi dhe rritja e kapaciteteve të qytetarëve për phishing dhe mashtrimet online mbetet kyç për adresimin e situatës”, i tha BIRN Xhaferaj.
Ajo shtoi se edhe forcimi i kapaciteteve të mbrojtjes kibernetike vendore duhet të jetë prioritet për mbrojtjen e infrastrukturave lokale dhe të dhënave të qytetarëve.
Edhe hulumtuesi Prroni nga IDM theksoi rëndësinë e përmirësimit të legjislacionit me mekanizma më efektive hetimi kundër mashtrimeve digjitale apo harmonizimin me rregulloret e BE-së përsa i përket përdorimin të platformave digjitale.
“Nevojiten përmirësime thelbësore të legjislacionit kundër mashtrimeve digjitale dhe mekanizma më efektivë hetimi”, i tha BIRN Prroni.
“Gjithashtu duhet punuar për harmonizimin e akteve të BE-së që rregullojnë mjedisin digjital, posaçërisht DSA-së në lidhje me sjelljen e platformave digjitale dhe Aktin e Inteligjencës Artificiale në lidhje me përdorimin dhe përhapjen e materialeve të gjeneruara nga AI”, përfundoi ai.
Reporter.al
Sezoni i festave ka nisur dhe për shumë familje blerja e lodrave është një nga prioritetet kryesore. Të dhënat më të fundit të Eurostat tregojnë se në vitin 2024 Bashkimi Evropian ishte importues neto i lodrave nga vendet jashtë BE-së.
Sipas Eurostat, BE importoi lodra me vlerë 7.1 miliardë euro nga vende jashtë unionit, një rritje prej 0.6 miliardë eurosh krahasuar me vitin 2023. Ndërkohë, eksportet e lodrave të BE-së drejt vendeve jashtë unionit arritën në 2.5 miliardë euro, duke shënuar një rritje prej 0.2 miliardë eurosh.
Kina ishte furnizuesi kryesor i lodrave për BE-në, duke përbërë 80% të importeve totale, me një vlerë prej 5.6 miliardë eurosh. Pas saj renditen Vietnami me 6% (418 milionë euro) dhe Mbretëria e Bashkuar me 3% (188 milionë euro).
Sa i përket importeve brenda BE-së nga vendet jashtë unionit, Gjermania dhe Holanda ishin importuesit më të mëdhenj, secila me 17% të totalit, ndërsa Franca zuri 14% të importeve sipas vlerës.
Sa i përket eksporteve, Mbretëria e Bashkuar ishte destinacioni kryesor për lodrat e prodhuara në BE, duke thithur 33% të eksporteve jashtë BE-së, me një vlerë prej 838 milionë eurosh. Ajo ndiqet nga Zvicra me 13% (315 milionë euro) dhe Shtetet e Bashkuara të Amerikës me 10% (245 milionë euro).
Të dhënat tregojnë gjithashtu se tre vende të BE-së përbëjnë gati 60% të eksporteve jashtë BE-së për nga vlera. Çekia ishte eksportuesi kryesor me 28%, e ndjekur nga Gjermania me 17% dhe Belgjika me 13%.
Këto shifra theksojnë varësinë e lartë të BE-së nga importet e lodrave, veçanërisht nga Kina, si dhe rolin e rëndësishëm të disa vendeve anëtare në eksportin e lodrave drejt tregjeve ndërkombëtare.
Trump kërcënon Iranin: Do të na duhet t’i shkatërrojmë nëse rindërtojnë programin e raketave
U sulmua nga një peshkaqen, gjendet trupi i pajetë i atletes amerikane
Trump: Do diskutoj me Netanyahun për vendosje të trupave turke në Gaza
“E-Albania” plotësisht jashtë funksionit!
Sulmet digjitale në 2025/ Më të sofistikuara dhe më të organizuara
Emigrantët kthehen, por Shqipëria nuk i mban
Korrupsioni gjuhësor si efekt anësor i korrupsionit politik
Stuhia Johannes godet Suedinë, dy persona humbën jetën
BIRN: Balluku dhe Veliaj para drejtësisë, rekord i ri në luftën kundër korrupsionit në 2025
Si i ka mbajtur Putini miliarderët e Rusisë në anën e tij, gjatë luftës
Trump gazetareve: Dëshironi diçka për të ngrënë? (video)
Fqinji me Shqipërinë sapo shkroi historinë
Europa mbushet me lodra kineze
Shqipëria “kampione” e rritjes së çmimeve
Dinamo fiton Superkupën e Shqipërisë
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
FOTO/ Nëna me dy fëmijët humbën jetën në një zjarr tragjik në Angli
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
Këta janë 10 kandidatët më të votuar në Vetëvendosjes
Anomalia e buxhetit, 2 miliardë euro shpenzime në dhjetor
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Spitalet paralajmëruan se kriza e kujdesit në fund të jetës kërcënon trajtimin
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
-
Albania19 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK19 hours agoFOTO/ Nëna me dy fëmijët humbën jetën në një zjarr tragjik në Angli
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports18 hours agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania20 hours agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania1 day ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK1 day agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim