Albania
Andi Hoxhaj: Britania mund dhe duhet të luajë një rol më të madh në arsimin në Ballkanin Perëndimor
Britania e Madhe duhet të ketë një rol më aktiv në arsimin dhe mbështetjen e të rinjve në Ballkanin Perëndimor, deklaroi Dr. Andi Hoxhaj, ligjërues i së drejtës dhe ekspert për Ballkanin në King’s College London, në një intervistë për BalkanView, përcjell KDP.
Hoxhaj theksoi se Procesi i Berlinit mbetet një instrument kyç për lidhjen e rajonit me Evropën, duke shtuar se Samiti i këtij viti në Londër konfirmoi rëndësinë e rolit britanik pas Brexit-it.
“Ne dëshironim që diskutimet rreth Samitit të mos kufizoheshin vetëm në agjendën zyrtare”, tha Hoxhaj, duke shpjeguar se King’s College London organizoi një sërë ngjarjesh anësore me pjesëmarrjen e shoqërisë civile, mediave, akademisë dhe sektorit privat. Këto ngjarje u zhvilluan në partneritet me dy nga institucionet më të vjetra dhe më të respektuara të politikave publike në Mbretërinë e Bashkuar – Chatham House dhe Royal United Services Institute (RUSI).
Sipas tij, këto bashkëpunime ndihmuan në ngritjen e disa temave që nuk ishin trajtuar plotësisht në agjendën zyrtare, sidomos arsimi dhe të drejtat e njeriut.
Hoxhaj tha se Samiti në Londër ishte veçanërisht i rëndësishëm për shkak të rolit të Britanisë si vend mikpritës dhe përcaktues i agjendës, në një periudhë kur qeveria laburiste e zgjedhur në vitin 2024 po kërkon të forcojë marrëdhëniet me Evropën. Një nga temat kryesore ishte siguria rajonale – veçanërisht mënyra se si vendet e Ballkanit Perëndimor mund të kalojnë nga “konsumues sigurie” në “ofrues sigurie” për Evropën, në kontekstin e agresionit rus dhe luftës hibride në disa vende evropiane.
Ai kujtoi se Procesi i Berlinit, i krijuar fillimisht si forum joformal për të mbështetur agjendën e integrimit evropian, është shndërruar në një samit vjetor që trajton tema më të gjera, si menaxhimi i migracionit dhe kundërvënia ndaj luftës hibride.
Për Hoxhajn, edhe pas Brexit-it, Britania e Madhe mbetet një partner i rëndësishëm për rajonin dhe e përdor këtë forum si një platformë vjetore për dialog mbi interesat e përbashkëta.
Sipas tij, deri në vitin 2030 disa vende të Ballkanit Perëndimor, veçanërisht Shqipëria dhe Mali i Zi, mund të anëtarësohen në Bashkimin Evropian. “BE-ja kërkon një histori pozitive që tregon forcën dhe zgjerimin e saj të vazhdueshëm”, tha ai, duke shtuar se konteksti aktual gjeopolitik paraqet “një mundësi të artë” për rajonin.
Hoxhaj theksoi se Procesi i Berlinit mbetet një kornizë e dobishme për adresimin e çështjeve dypalëshe dhe për ruajtjen e momentit reformues, por paralajmëroi se faktorët politikë shpesh ndikojnë më shumë se kriteret teknike në ritmin e negociatave të anëtarësimit.
Duke folur për lidhjet rajonale dhe bashkëpunimin në fushën e sigurisë, Hoxhaj tha se infrastruktura e rajonit mbetet e kufizuar. “Në disa raste është më e shpejtë të udhëtosh drejt një vendi anëtar të BE-së sesa drejt një vendi fqinj në Ballkan”, tha ai, duke theksuar se mungesa e investimeve është një pengesë serioze.
Për çështjet e sigurisë, ai shtoi se Ballkani Perëndimor është ende në fazat e hershme të integrimit. Rreth gjysma e vendeve janë anëtare të NATO-s, por për bashkëpunim më të thellë nevojitet ndërtimi i besimit të ndërsjellë dhe përmirësimi i infrastrukturës.
Sa i përket ndikimit të luftës në Ukrainë, Hoxhaj tha se ajo nuk e ka ulur vëmendjen e BE-së ndaj rajonit por përkundrazi, ka ndihmuar në përparimin e disa proceseve, përfshirë hapjen e negociatave me Shqipërinë dhe Maqedoninë e Veriut dhe dhënien e statusit të kandidatit për Bosnjë dhe Hercegovinën.
Megjithatë, ai pranoi se nuk ka pasur përparim në dialogun Kosovë–Serbi për shkak të tensioneve politike dhe cikleve zgjedhore.
Hoxhaj theksoi se Britania po zhvillon një politikë të re ndaj Ballkanit Perëndimor, me fokus të veçantë në menaxhimin e migracionit, një çështje me ndjeshmëri të lartë në politikën e brendshme britanike.
Sipas tij, Procesi i Berlinit ka vlerë si forum politik dhe platformë për dialog që ka ndihmuar në afrimin e liderëve rajonalë. “Para këtij procesi, disa udhëheqës të Ballkanit Perëndimor nuk kishin pasur takime zyrtare për më shumë se shtatë dekada,” kujtoi ai.
Duke folur për Tregun e Përbashkët Rajonal, Hoxhaj e vlerësoi si nismë të vlefshme, por theksoi se mund të ngadalësojë procesin e integrimit të plotë në BE. “Është më efektive që vendet kandidate të bëhen pjesë e Tregut të Vetëm të BE-së sapo të nisin negociatat e anëtarësimit”, tha ai.
Në fushën e arsimit, Hoxhaj theksoi se Britania ka potencial për të kontribuar ndjeshëm, pasi është një fushë jo-kontroversiale krahasuar me sigurinë apo migracionin. Ai kujtoi se Britania planifikon të ribashkohet me programin Erasmus dhe Këshillin Evropian të Kërkimeve.
“Ka munguar nisma e vitit 2017 për krijimin e një Akademie Rajonale të Shkencës, një ide që Britania e kishte mbështetur, por që nuk u realizua kurrë. Është koha që ajo të rikthehet në qendër të agjendës”, shtoi Hoxhaj.
Ai tha se lufta kundër korrupsionit dhe forcimi i sundimit të ligjit nuk kanë marrë vëmendje të mjaftueshme në kuadër të Procesit të Berlinit, megjithëse forumi mund të shërbejë si hapësirë për shkëmbimin e përvojave dhe praktikave më të mira.
Duke parë nga e ardhmja, Hoxhaj vlerësoi se në pesë vitet e ardhshme disa vende të rajonit mund të anëtarësohen në BE, ndërsa Procesi i Berlinit mund të evoluojë në një format politik për zgjidhjen e çështjeve dypalëshe, i ngjashëm me modelin e vendeve nordike.
Në fund, ai dërgoi një mesazh për të rinjtë në rajon: “Të rinjtë kanë arsye të ndihen të pasigurt, por Bashkimi Evropian është më shumë se një qëllim – është një udhëtim drejt stabilitetit dhe prosperitetit. Udhëheqësit duhet t’i përfshijnë të rinjtë dhe t’u japin atyre zë në këtë proces.”
Samiti i ardhshëm i Procesit të Berlinit do të mbahet në Mal të Zi në vitin 2026, dhe sipas Hoxhajt, të rinjtë duhet të jenë në qendër të agjendës.
Qytetarë që kishin planifikuar të udhëtonin sot nga Londra drejt Tiranës me kompaninë ajrore “Wizz Air” kanë denoncuar sërish mungesë serioziteti dhe kompetence nga ana e kësaj kompanie.
Sipas denoncuesve, pas imbarkimit dhe hyrjes në avion, ata janë detyruar të zbresin sërish me arsyetimin se në kontenier ishte ndezur një sinjal paralajmërues.
Pas zbritjes, udhëtarët janë përballur me orë të tëra pritjeje pa asnjë informacion të qartë, ndërsa i vetmi shpjegim i dhënë nga kompania ka qenë se ekziston një problem teknik.
Qytetarët kërkojnë reagim të menjëhershëm dhe nisjen sa më shpejt drejt destinacionit të tyre, ku i presin familjarët për t’u bashkuar me festat. Ata theksojnë se kjo nuk është hera e parë që hasin probleme me këtë kompani ajrore.
“Wizz Air” është shpeshherë objekt ankesash për vonesa të shumta, anulime në momentet e fundit dhe mungesë komunikimi apo përgjigjeje ndaj udhëtarëve.
Albania
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Këshilli i Ministrave ka miratuar vendimin për kompensimin e të ardhurave mujore të pensionistëve, një masë që hyn në fuqi si pjesë e paketës së Buxhetit 2026.
Vendimi synon të mbështesë pensionistët me të ardhura të ulëta dhe të mesme, duke përcaktuar shuma konkrete shtesë që variojnë nga 600 deri në 1,800 lekë në muaj.
Sipas vendimit të propozuar nga Ministri i Ekonomisë dhe Inovacionit, fondi total për këtë skemë kap vlerën e 9.8 miliardë lekëve.
Si ndahen kategoritë dhe sa është shtesa?
Qeveria ka ndarë përfituesit në 5 kategori kryesore, bazuar në nivelin e të ardhurave mujore që ata kanë pasur deri në datën 31.12.2025:
Shtesën maksimale prej 1,800 lekë/muaj e përfitojnë të gjithë pensionistët që kanë të ardhura mujore deri në 40,000 lekë.
Këtu përfshihen pensionet e pleqërisë të plota (urbane), minatorët, punonjësit e naftës, gazit dhe metalurgjisë.
Shtesën prej 1,000 lekë/muaj e përfitojnë personat me të ardhura mujore deri në 18,000 lekë.
Këtu përfshihen pensionet e ish-kooperativave bujqësore dhe pensionet rurale (të fshatit).
Shtesën 800 lekë/muaj e përfitojnë personat me të ardhura mujore deri në 22,000 lekë.
Në këtë grup përfshihen pensionet e pjesshme (urbane), pensionet sociale dhe ata që nuk kanë plotësuar vitet e sigurimit.
Shtesën 700 lekë/muaj e përfitojnë personat me të ardhura mujore deri në 18,000 lekë, ku janë përfituesit e pensionit familjar, përfshirë familjet e pilotëve.
Ndërsa shtesën 600 lekë/muaj e përfitojnë personat me të ardhura mujore deri në 30,000 lekë.
Këtu përfshihen të gjitha kategoritë e pensioneve të invaliditetit.
Kush përfiton tjetër?
Një pikë e rëndësishme e vendimit është se ky kompensim nuk prek vetëm pensionistët aktualë. Përfitojnë edhe personat që do të dalin në pension gjatë vitit 2026, me kusht që të ardhurat e tyre të mos kalojnë tavanet e përcaktuara më sipër. Megjithatë, ata që fitojnë të drejtën e pensionit pas datës 1 janar 2027, nuk do të jenë subjekt i këtij vendimi.
Vendimi saktëson gjithashtu se këto kompensime nuk do të preken (nuk do të ulen apo ndryshojnë) në rastet kur qeveria miraton indeksime të tjera të pensioneve në të ardhmen.
Zbatimi i këtij vendimi do të kryhet nga Instituti i Sigurimeve Shoqërore (ISSH) dhe pagesat do të shpërndahen përmes Postës Shqiptare dhe bankave të nivelit të dytë.
Albania
Qeveria nderon legjendat, 13 figura të shquara të artit dhe sportit përfitojnë pension të posaçëm
Këshilli i Ministrave ka marrë vendimin për të vlerësuar financiarisht dhe moralisht disa nga emrat më të spikatur të jetës publike në Shqipëri, të cilët kanë lënë gjurmë ndër vite në fushat e artit, kulturës dhe sportit.
Sipas vendimit të fundit të qeverisë, 13 personalitete do të përfitojnë “shtesë pensioni të posaçëm shtetëror”.
Masa e kësaj shtese është përcaktuar të jetë sa dhjetëfishi i pensionit social, një vlerësim maksimal që u bëhet këtyre figurave për kontributin e dhënë.
Në listën e miratuar spikasin emra të mëdhenj të humorit dhe teatrit si Agim Bajko dhe Aishe Stari, apo legjenda të futbollit shqiptar si Agustin Kola i Tiranës dhe Vasillaq Zëri i Flamurtarit.
Lista e plotë e përfituesve:
Agim Bajko – Aktor i njohur i humorit dhe satirës.
Agustin Kola – Ish-futbollist dhe trajner i shquar, ikonë e KF Tiranës.
Aishe Stari – Aktore e njohur, veçanërisht për kontributin në estradën e Durrësit.
Vasillaq Ruci – Legjenda e futbollit vlonjat dhe atij kombëtar.
Nikolin Gurakuqi – Regjisor i njohur operistik.
Shegushe Bebeti – Regjisore dhe figurë e rëndësishme e teatrit të kukullave.
Edera Alibegaj – Ish-basketbolliste e shquar.
Virxhil Karaja – Figurë e njohur e sportit.
Kujtim Vorpsi – Mjeshtër i imazhit/kinematografisë.
Kostandin Shkurti
Kostandin Kamberi- Aktor i njohur i humorit në estradën e Tiranës
Leonard Toska- Peshëngritës
Rapo Tao- Figurë legjendare e futbollit vlonjat
Ky vendim hyn në fuqi menjëherë dhe është pjesë e përpjekjeve shtetërore për të garantuar një trajtim dinjitoz për ata që kanë ngritur lart emrin e Shqipërisë në skena dhe stadiume.
“Gjermania po plaket!”, Merz u drejtohet qytetarëve: 2026-a është një pikë kthese për kombin tonë
“Wizz Air” le në mëshirë të fatit pasagjerët e linjës Londër-Tiranë
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Britania marrëveshje me Angolën dhe Namibinë për kthimin e emigrantëve
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Fqinji me Shqipërinë sapo shkroi historinë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK19 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania20 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …