Një shtetas shqiptar, Neritan Kuka, është ndaluar nga drejtimi i automjeteve për dy vite nga gjykata e North Staffordshire në Britani, pasi u kap duke drejtuar mjetin nën efektin e kokainës dhe kanabisit.
Sipas mediave britanike, 32-vjeçari u ndalua nga policia më 2 prill, rreth orës 01:00 të mëngjesit, në High Street, Tunstall, teksa po drejtonte një makinë Audi pa certifikatë MOT (kontroll teknik). Policia e ndaloi pasi mjeti u pa duke qarkulluar me shpejtësi të lartë rreth një rrethrrotullimi.
Pas testimit në vend, rezultoi pozitiv për kokainë dhe kanabis, ndërsa analizat e mëvonshme në laborator zbuluan 141 mikrogramë kokainë për litër gjaku, ndërkohë që limiti ligjor është 10 mikrogramë.
Në gjykatë, Kuka pranoi akuzat për drejtim mjeti nën efektin e drogës dhe për përdorim automjeti pa kontroll teknik. Avokatja mbrojtëse tha se ai kishte blerë makinën atë ditë dhe nuk ishte në dijeni se mungonte certifikata MOT.
Përveç ndalimit nga drejtimi për 2 vite, gjykata e dënoi me 12 muaj shërbim komunitar dhe 180 orë punë pa pagesë, si dhe e detyroi të paguajë 85 paund kosto gjyqi dhe një 114 paund gjobë administrative.
