Një total prej 176 bombash të Luftës së Dytë Botërore janë zbuluar në parkun e lojërave Scotts Park, Wooler në Angli, gjatë gërmimeve për ndërtimin e një parku të ri. Dyshohet se zona ka shërbyer si fushë stërvitjeje për Gardën Kombëtare dhe municionet janë groposur pas luftës.
Punëtorët zbuluan një objekt të dyshimtë, i cili u konfirmua më vonë si një bombë. Pas kësaj, Ministria e Mbrojtjes urdhëroi një inspektim të plotë, ku u zbuluan edhe 175 bomba të tjera.
Ekspertët treguan se bombat nuk ishin aktive, por përmbanin ende ngarkesë të rrezikshme. “Është e pabesueshme që fëmijët kanë luajtur mbi to për kaq shumë vite”, tha këshilltari Mark Mather.
Gërmimet do të vazhdojnë deri në mes të shkurtit. Kostot e largimit të municioneve do të mbulohen nga Këshilli i Qarkut të Northumberland, pasi ushtria nuk pranoi të ndihmonte. “Ishte zhgënjyese të mos kishim mbështetjen e tyre, por të paktën parku nuk do të humbasë”, shtoi Mather.
