Anglia ka fituar 3-0 ndaj Uellsit, duke kaluar Grupin B si vendi i parë, me 7 pikë pas 3 ndeshjeve.
Një dygolësh i Rashford dhe një i Foden i dhanë 3 pikët ekipit të drejtuar nga Gareth Southgate, në një ndeshje të dominuar nga fillimi në fund. Tashmë, Anglia do të përballet me Senegalin në fazën tjetër.
Ndërkohë, “lufta” e vërtetë ishte në përballjen Iran-SHBA, me dy skuadrat që luftonin për vendin e dytë. Amerikanëve i bënte punë vetëm fitorja dhe ia arritën qëllimit me golin e Pulisic, në minutën e 38 të ndeshjes.
Një rezultat 1-0 që SHBA e ruajti deri në fund, duke u kualifikuar në fazën tjetër të Botërorit, ku do të përballet me Holandën.
