Personat në Angli pa simptoma të COVID-19 nuk kanë nevojë më të bëjnë test PCR për të konfirmuar nëse janë pozitivë.
Ndryshimi vjen pas përhapjes së lartë të koronavirusit në komunitet dhe saktësinë e testeve të shpejta, tha Agjencia e Sigurisë Shëndetësore e Mbretërisë së Bashkuar.
Ngritja e rasteve me Omicron ka bërë që për testimin PCR të rezervohet paraprakisht.
Britania ka kapacitet për më shumë se 800,000 testime në ditë, por i është afruar limitit në dhjetor, raporton BBC.
Ndërkohë që kërkesa është rritur në javën e parë të 2022-s, me 698,502 teste PCR më 6 janar dhe 613,496 më 9 janar.
Autoritetet shpresojnë se ky ndryshim do ta përmirësojë qasjen në testet PCR për personat me simptoma dhe për punonjësit e shëndetësisë, transportit dhe të tjerëve që u nevojiten testimet në baza ditore.
Ata që kanë një nga tri simptomat kryesore të COVID-19 – temperaturë të lartë, kollitje e vazhdueshme dhe humbje e shijes apo nuhatjes – duhet të bëjnë test PCR.
