Shkencëtarët kanë identifikuar 16 raste të një varianti tjetër të ri të koronavirusit në Angli.
Shëndeti publik në Angli e ka cilësuar atë si një “variant nën hetim”që do të thotë se është në listën e tyre të vëzhgimit, por nuk është ende një variant për të cilin duhet të shqetësohemi menjëherë
Ka një mutacion të përbashkët me variantet e Afrikës së Jugut dhe Brazilit, raporton BBC.
Ky ndryshim, E484K mund të ndihmojë virusin që të dobësojë imunitetin nga vaksinimi ose infeksioni paraprak, sipas ekspertëve.
Rastet u identifikuan për herë të parë më 15 shkurt nga sistemi i mbikëqyrjes së varianteve në Angli.
Ekspertët dyshojnë se ajo e ka origjinën në Mbretërinë e Bashkuar.
Të 16 individët që kanë rezultuar pozitivë dhe kontaktet e tyre, janë këshilluar që të izolohen.
Deri tani Britania e Madhe ka 8 variante në listën e saj të vëzhgimit.
