Gjykata Kushtetuese ka shtyrë për në datë 11 korrik seancën për çështjen e Butrintin me argumentin se 36 deputetët firmëtarë si palë në këtë çështje nuk kanë dhënë autorizimin për t’i përfaqësuar. Gjykata Kushtetuese në argumentin e saj tha se për shqyrtimin e çështjes për anulimin e koncesionit të Butrintit, nevojiten 28 firmat e deputetëve që të jenë të përfaqësuar.
Deputetja Ina Zhupa tha se pasuritë që janë në UNESCO duhet të administrohen nga shteti dhe jo nga fonacionet private. Sipas saj, fondacionet mund të japin fonde, por jo të administrojnë pasuritë në UNESCO. Zhupa tha gjithashtu se ky fondacion do të tjetërsojë historinë e Butrintit dhe se kjo nuk duhet lejuar nga gjykata pasi duhet të mbrojë identitetin kombëtar.
“Do të tjetërsojeni historinë dhe identitetin me tezat e tyre që Butrinti ka trashëgimi greke. Ajo që ndodh tjetër, është fakti se Butrinti i hiqet nga kompetencat e gjithë organet e shtetit që nga ministria e Turizmit apo Agjencia e Zonave të Mbrojtura sepse bën një potencial të jashtëzakonshëm ekonomik turistik. Edhe bashkia e Sarandës është vënë në rolin e një çiraku për fondacionin, ku jep urdhra fondacioni lidhur me atë që duhet të bëjë për Butrintin dhe nuk ka asnjë kompetencë brenda zonës së vetë.
Konventa e Parisit ku ne jemi pjesë, ndalon në mënyrë të rreptë që fondacionet të marrin nën administrim pasuritë e UNESCO-s, pasi ato duhet të jetë nga shteti, por nuk ndalon që fondacionet të japin fondacionet. Ne e ftojmë fondacionin të japë donacione për Butrintin por kurrsesi të marrë nën administrim një pasuri të UNESCO-s. Sot Butrinti ka 2 mln dollarë në arkat e vetë që do i kalojnë si pajë fonacionit të Butrinti pa bërë asgjë për Butrintin”, tha Zhupa.
Pas debateve mes opozitës dhe maxhorancës, Kuvendi miratoi me 75 vota pro marrëveshjen për menaxhimin e Parkut Kombëtar të Butrintin nga fondacioni shqiptaro-amerikan AADF, marrëveshje që u çua nga PD në Gjykatën Kushtetuese.
