Në moshën 39 vjecare ishte bërë një nga arbitrat më të vlerësuar e të njohur në Brazil, por pandemia e koronavirus e ka bërë ta shohë jetën nga një prespektivë tjetër e tashmë është kthyer në punën e tij të mëparshme: infermierin. Protagonist i kësaj historie është Igor Benevenuto, arbitër i “Brasilerao”, nivelit më të lartë të futbollit në vendin amerikano jugor, e profesionist në këtë aktivitet me kohë të plotë.
Për tiu dedikuar arbitrimit, Benevenutos iu desh të largohej nga puna e tij e atëhershme si infermier. Por tani, për shkak të Covid-19, ka vendosur të kthehet e të jetë ai që ishte përpara se futbolli ta përfshinte: infermieri që kujdeset për të sëmurët në një spital në Sete Lagoas, qyteti ku jeton, rreth 80 km nga Belo Horizonte.
“Eshtë e qartë që kam frikë, sigurisht më shumë se kur arbitroj një ndeshje, sepse ka patur raste të infermierëve që, për shkak të virusit, kanë humbur jetën – ka shpjeguar ai për mediat lokale -. Ky është një ‘armik’ që mund të godasë këdo, persona të të gjitha moshave, por tani njerëzit kanë nevojë për mua e nuk mund të tërhiqem: këtu jam më i nevojshëm”.
