Kryeministri Edi Rama ka dhënë ditën e sotme një intervistë për BCC teksa ka folur për ardhjen e emigrantëve afganë në vendin tonë.
Në fjalën e tij Rama është shprehur se në Shqipëri, buka, kripa dhe zemra nuk do t’ju mungojë kurrë.
Ndër të tjera Kryeministri është shprehur se emigrantët afganë do të qëndrojnë më shumë nga çfarë ishte planifikuar edhe nëse duan mund të qëndrojnë përgjithmonë.
Pjesë nga intervista:
Edi Rama: Kjo është ajo çfarë thonë ata, ne jemi ftuar që t’i mirëpresim përkohësisht më pas ata do të dërgohen drejt SHBA-së. me kaq shumë njerëz që po aplikojnë për vizë amerikane, kemi kuptuar se do të duhet të qëndrojnë më gjatë tek ne. Nëseduan të qëndrojnë përgjithmonë, mund ta bëjnë këtë gjë.
Gazetari: Çfarë po bën Shqipëria për tu siguruar atyre gjëra që u duhen?
Edi Rama: 30 vite më parë ishim ne afganët që përpiqeshin t’i largoheshin ferrit të tyre që të mbërrinin në brigjet italiane. Dhimbja, ankthi dhe e panjohura ka qenë e njëjtë. Jemi të prirur ta bëjmë këtë gjë sepse kjo na nderon ne veteë, traditën dhe historinë tonë. Ne u detyrohemi fëmijëve tanë për këtë. Ne nuk jemi vend i pasur por kemi mjaftueshëm për të ndarë me këta njerëz. Ne do të jemi bashkë. Ne nuk jemi vetëm, këtu ka shumë organizata, ju përmendët vetëm një, por ka dhe shumë të tjera.
Gazetari: Ju përmendët dhe e pranuat që Shqipëria nuk është një vend i pasur, a po merrni ndihmë nga vendet e tjera?
Edi Rama: Nga vendet më të pasura the? Jo, po mbështetemi vetëm tek bashkëpunimi me njerëzit që kanë zemër të pasur. Mesa duket është një numër i konsiderueshëm nga Britania e vende të tjera që duket se e kanë zemrën e madhe. Kemi një shprehje këtu tek ne, bukë, kripë e zemër, nuk do tu mungojë kjo gjë nga ne. 500 mijë vëllezër e motra nga Kosova erdhën tek ky vend kaq i vogël. Aso kohe ishim më të varfër dhe ja ku jemi. U pasuruam në shpirt dhe mësuam se në këtë jetë kujtesa është shumë e rëndësishme.
