Mërgimtarët që ia kanë mësyrë Kosovës për festat e fundvitit, po përballen me pritje tëpër të gjata nëpër pikat kufitare, raporton Express.
Atyre po u bie që të presin deri në katër orë për të hyrë në vend.
Sipas infografikës së publikuar nga Ministria e Punëve të Brendshme, pritjet më të gjata janë në pikën kufitare në Merdare.
240 minuta janë pritjet për hyrje në vend përmes kësaj pike kufitare. Kolona atje aktualisht është 400 metra.
Të Dheu i Bardhë pritjet janë deri në një orë, në Jarinje 30 minuta, derisa në Mutivodë 10 deri në 15 minuta.
Ndërkohë, për të dalë nga vendi, ju duhet të prisni më së shumti 15 minuta.
Sipas MPB’së, të gjitha rrugët që shpiejnë për në këto pikëkalime kufitare janë të kalueshme./Gazeta Express
