Bota
Arma e pabesueshme e Donald Trumpit
Bombë bërthamore, raketë apo hapësiroplan?
Një testatë bërthamore e re dhe e panjohur, raketë hipersonike “super duper” apo misteriozi hapësiroplan X-37B? Ja se çfarë mund të jetë “arma e pabesueshme” për të cilën Donald Trump ka folur me Bob Woodward, midis të dhënave të habitshme paraprake të librit “Rage”
“Një armë që askush nuk e ka pasur më parë”. Diçka e “pabesueshme” dhe “bërthamore”. Është një prej zbulimeve që Donald Trump i ka bërë gazetarit Bob Woodward, e dalë nga atë çka janë botuar paraprakisht lidhur me librin e tij Rage kushtuar presidencës së manjatit.
Fjalët e Trump
Fjalët që po bëjnë xhiron e botës duket se janë shqiptuar nga Trump gjatë rindërtimit të ngjarjeve që dalluan vjeshtën e 2017, kur tensioni midis Shteteve të Bashkuara dhe Koresë së Veriut arriti pikun e tij, aq sa ushqeu frikërat e një përplasjeje bërthamore. E kështu, duke ju hapur Woodward, Presidenti do t’i rrëfente: “Kam ndërtuar një armë një sistem bërthamor… një armë që askush nuk e ka pasur kurrë më parë në këtë vend; kemi diçka që as nuk është parë e as nuk është dëgjuar kurrë; kemi diçka për të cilën Putin e Xi nuk e kanë ditur kurrë; ajo që kemi është e pabesueshme”. Sipas Washington Post, më pas vetë gazetari do të pyeste drejtuesit ushtarakë nëse ishte e vërtetë apo jo. Burime anonime ia kanë konfirmuar fjalët e Presidentit, duke u shprehur të habitura për zbulimin në fjalë. Kjo ka mjaftuar për ta përmbytur rrjetin me teori lidhur me armën për të cilën ka folur Trump.
Testata W76-2
Ekspertët dhe sajtet e specializuara bien dakord kur, mbi bazën e precedentëve të lëshura nga Presidenti në temën e armatimeve, konsiderojnë se i duhen marrë me rezerva deklaratat. Domethënë vështirë se bëhet fjalë për Bombën G, armën bërthamore me kobalt, që sipas teoricienëve mund ta asgjësojë jetën në Tokë. E kështu. Midis kandidatëve më të akredituar, ka përfunduar testata bërthamore më e re W76-2, vendosja e parë e së cilës i përket fundit të vitit të kaluar (komunikuar më pas në shkurt) nga ana e US Navz në bordin e USS Tennessee, nëndetëse e klasit Ohio për lëshimin e raketave balistike. Është zhvilluar tërësisht gjatë administratës Trump, e parashikuar në shkurtin e 2018 nga Nuclear Posture Review (NPR) dhe shpesh në qendër të debatit parlamentar (duke ndeshur opozitën demokrate). W76-2 është një variant i testatës të përdorur tradicionalisht në raketat Trident nga nëndetëset bërthamore amerikane. Armë moderne, është menduar që të rrisë potencialin shkurajues të forcës amerikane (më e besueshme, duke pasur parasysh intensitetin e ulët), por ka mundësi jo aq e “pabesueshme” siç përcillet nga fjalët e Trump.
“Super Duper”
Një tjetër kandidat është “super duper”, fruti i përshpejtimit të realizuar në raketat hipersonike nga Pentagoni vitet e fundit. Nga ana tjetër, Trump flet për “bërthamore”, por më pas kalon në “sistem arme”, kategori që mund të nënkuptojë si testatën, po gjithashtu edhe vektorin. “Super duper” quhet formalisht Common Hypersonic Glide Body (C – HGB), mjet me fluturues hipersonik me formë të sheshtë që kryen një fazë të parë të fluturimit balistik (i transportuar jashtë atmosferës nga lëshues të posaçëm) për të rizbritur më pas në një kënd më të ngushtë sesa raketat balistike tradicionale, duke fluturuar pa motor dhe duke e spostuar vazhdimisht trajektoren, duke e bërë kështu i paparashikueshëm; gjithçka qartazi me shpejtësi supersonike, më të lartë se Mach 5. Sistemi është testuar për herë të dytë nga US Navy dhe US Army 17 marsin e këtij viti në poligonin raketor të Kauai të Ishujve Hawaii, me lëshim nga platforma tokësore. Testimi i parë, në 2017, kishte parë në fakt lëshimin nga një nëndetëse e klasit Ohio.
Mburrja e Trump
Nuk dihet nëse sistemi i përmendur në libër është C – HGB. Me siguri që origjina e tij i paraprin administratës Trump, por nuk ka dyshim që vitet e fundit Shtetet e Bashkuara kanë përshpejtuar fuqishëm lidhur me teknologjitë hipersonike. Më shumë sesa lëvizjeve të Presidentit, merita është për t’ju atribuar preokupimeve për armatime të ngjashme në zhvillim në Rusi e Kinë. Gjithsesi, majin e këtij viti banori i Shtëpisë së Bardhë është mburru publikisht për sistemin, duke e quajtur “super duper missile” dhe duke specifikuar deri karakteristika më pas të përcaktuara nga drejtuesit ushtarakë si “të klasifikuara”: një saktësi prej 14 polshësh (rreth 35 centimetra) më 1000 milje (1600 kilometra).
Hapësiroplani
Hipoteza tjetër është se Trump i referohet X-37B, hapësiroplanit që majin e kaluar është nisur për misionin e tij të 6 në bordin e një rakete Atlas për llogari të US Space Force të re. Bëhet fjalë për “një dron hapësinor misterioz” për të cilin në vite janë përqëndruar teori të shumta, duke parë fshehtësinë e Pentagonit lidhur me programin. “Air Force disponon 4 copë X37-B dhe njëri prej tyre më 2017 vendosi rekordin e qëndrimit në hapësirë me 718 ditë, duke ushqyer hipoteza nga më të ndryshmet se çfarë po bënte në orbitë”, midis inteligjencës, vëzhgimit dhe eksperimenteve shkencore. Sipas disa vëzhguesve, mund të jetë në gjendje edhe të transportojë testata bërthamore, duke qëndruar në hapësirë për shumë kohë dhe duke vendosur të godasë në momentin e duhur.
Kandidatë më të vegjël
Mbeten pastaj kandidatë të tjerë për armën e “pabesueshme”, të përcjellë nga sajti i specializuar The Drive: testata W93 që mund të ngarkohet në raketat Trident D5 e lëshueshme nga nëndetëset amerikane; bombarduesi bërthamor me vëzhgueshmëri të ulët B-21 Raider dhe e gjithë shpura e raketave balistike, përfshi GBSD (Ground-Based Strategic Deterrent) e re. Së fundi, ka një mundësi të fundit që megjithatë nuk është për t’u përjashtuar, domtethënë që Trump as nuk ka ekzagjeruar, as nuk ka gënjyer. Që Shtetet e Bashkuara në fshehtësinë më të madhe kanë zhvilluar kohët e fundit një armë bërthamore krejtësisht të re?
(nga Formiche)
Përgatiti: ARMIN TIRANA / bota.al
Një grabitje e përmasave të mëdha ka tronditur Gjermaninë perëndimore, ku hajdutë të paidentifikuar kanë vjedhur rreth 30 milionë euro nga një degë e bankës Sparkasse në qytetin Gelsenkirchen.
Sipas policisë, autorët përdorën një shpues industrial për të hapur kasafortën nëntokësore, duke e realizuar operacionin në mënyrë tepër profesionale, të krahasueshme me skenarët e filmave të Hollivudit.
Ngjarja dyshohet se ka ndodhur gjatë ditëve të qeta të Krishtlindjeve. Hetimet paraprake tregojnë se grabitësit hynë dhe u larguan nga godina përmes një garazhi parkimi ngjitur me bankën. Ata thyen mbi 3000 kasaforta personale që përmbanin para, ar dhe bizhuteri. Grabitja u kuptua vetëm në orët e para të së hënës, kur u aktivizua një alarm zjarri.
Dëshmitarë okularë kanë raportuar se panë disa persona që transportonin çanta të mëdha gjatë natës, ndërsa kamerat e sigurisë kanë regjistruar një automjet luksoz, Audi RS6 të zi, duke u larguar nga garazhi. Deri tani nuk ka arrestime.
Banka Sparkasse ka njoftuar se 95% e kasafortave janë hapur me forcë dhe ka kërkuar nga klientët të kontaktojnë një linjë të posaçme. Çdo kasafortë është e siguruar deri në vlerën 10300 euro.
Aktori i njohur amerikan George Clooney, bashkëshortja e tij Amal Clooney, avokate e të drejtave të njeriut, si dhe binjakët e tyre Ella dhe Alexander, janë pajisur zyrtarisht me shtetësinë franceze. Vendimi është bërë publik në Journal Officiel, organi zyrtar ku publikohen dekretet e qeverisë franceze.
Familja Clooney jeton kryesisht në një fermë në Brignoles, në jug të Francës, blerë në vitin 2021. Kryebashkiaku i qytetit, Didier Brémond, u shpreh për mediat lokale se zgjedhja e çiftit për t’u bërë shtetas francezë tregon “dashurinë e tyre për Francën”, duke i përshkruar si një familje të thjeshtë dhe të aksesueshme.
Në një intervistë për revistën Esquire, Clooney tregoi se vendimi për t’u zhvendosur në Francë lidhej me shqetësimin për rritjen e fëmijëve në Los Anxhelos dhe ndikimin e kulturës së Hollivudit. Ai theksoi se dëshironte një jetë më normale për ta, larg paparacëve dhe krahasimeve me fëmijë të tjerë të famshëm.
Binjakët e çiftit kanë lindur në Londër në vitin 2017. Amal Clooney, e lindur në Liban dhe e rritur në Britani, është natyralizuar me mbiemrin e saj të vajzërisë, Amal Alamuddin. Ndërsa fëmijët dhe Amal flasin rrjedhshëm frëngjisht, George Clooney pranon me humor se gjuha franceze mbetet ende një sfidë për të.
Një raport i ri i Pentagonit detajon aftësitë raketore bërthamore të Kinës dhe aftësinë e saj për të goditur Shtetet e Bashkuara në rast të një lufte botërore.
Raporti, i cili iu dorëzua Kongresit më 23 dhjetor, thotë se Kina është e aftë të godasë pjesën më të madhe të SHBA-së me raketat DF-31.
Raporti nënvizon:
“Përforcimi historik ushtarak i Kinës e ka bërë kontinentin e SHBA-së gjithnjë e më të prekshëm. Kina mban një arsenal të madh dhe në rritje të armëve bërthamore, detare dhe konvencionale me rreze të gjatë veprimi, si dhe aftësi kibernetike dhe hapësinore, të afta të kërcënojnë drejtpërdrejt sigurinë e amerikanëve”.
Qëllimi përfundimtar i Kinës
Departamenti Amerikan i Luftës pretendon se qëllimi përfundimtar i Kinës është të bëhet një superfuqi globale deri në vitin 2049, e aftë të mbrojë të gjitha interesat e vendit.
Me një ushtri të klasit botëror, Departamenti Amerikan beson se Kina do të kërkojë të pushtojë Tajvanin dhe ta përfshijë atë në Kinë, pasi ajo tashmë e pretendon ishullin si pjesë të shtetit kinez.
Raporti tha gjithashtu se Kina ka të paktën 100 raketa balistike ndërkontinentale (ICBM) DF-31, të cilat janë zhvendosur në vende nëntokësore lëshimi, të njohura si silos. Këto raketa kanë një rreze veprimi prej 11,000 kilometrash, duke mbuluar pjesën më të madhe të Shteteve të Bashkuara.
Këto silura janë vendosur në zona të largëta në Kinën veriore dhe perëndimore: në Hami, Xinjiang, Yumen, Gansu dhe Yulin, Mongolia e Brendshme, pranë kufirit me Mongolinë. Edhe pse Kina vlerësohet të ketë gjithsej 320 silo në këto tre zona, SHBA-të besojnë se vetëm 100 prej tyre janë të pajisura me raketa.
“Trump kërkon paqe”
Duke folur për Daily Mail, një zyrtar i lartë i Departamentit të Luftës tha se Donald Trump dhe administrata e tij po kërkojnë të ulin tensionet dhe në fund të fundit të shmangin çdo konflikt global, siç është një Luftë e Tretë Botërore.
“Presidenti Trump kërkon një paqe të qëndrueshme, tregti të drejtë dhe marrëdhënie të respektueshme reciprokisht me Kinën. Departamenti i Luftës do të mbështesë qëllimin e Presidentit duke hapur një gamë më të gjerë komunikimesh ushtarake me Ushtrinë Çlirimtare Popullore dhe duke kërkuar mënyra të tjera për t’i bërë të qarta qëllimet tona paqësore”, tha ai.
Frika e republikanëve
Megjithatë, disa republikanë kanë paralajmëruar për “kërcënimin” që Kina përbën për SHBA-të në të ardhmen.
Sipas një raporti nga ‘Politico’, përfaqësuesi Nathaniel Moran paralajmëroi se Kina mund të kthehet kundër SHBA-së në sektorin farmaceutik, pasi furnizon rreth 80% të përbërësve aktivë farmaceutikë të përdorur në Shtetet e Bashkuara.
“Brenda natës, Kina mund të mbyllë rubinetin dhe shumë produkte thelbësore farmaceutike, madje edhe gjëra si aspirina, mund të zhduken nga zinxhiri i furnizimit në Shtetet e Bashkuara”, paralajmëroi ai.
Ai iu referua gjithashtu fuqisë ushtarake në rritje të vendit dhe shtoi:
“Ne e dimë se qëllimi afatgjatë i Kinës është në thelb dominimi ekonomik, diplomatik dhe ushtarak në të gjithë botën, dhe ata i shohin Shtetet e Bashkuara si një kundërshtar”.
58000 kilometra në këmbë nga Kili në Britani, historia e pazakontë e ish-ushtarit
Kosova ngre aktakuzë ndaj 21 personave për masakrën e Reçakut
Dy shtetet që e festojnë të parët Vitin e Ri
Grabitje spektakolare në Gjermani, hajdutët vjedhin 30 milionë euro nga një bankë
George dhe Amal Clooney marrin shtetësinë franceze së bashku me fëmijët e tyre
Faqet e para të gazetave në UK
Vonesat e Eurostar hyjnë në ditën e dytë, pasi pasagjerët ngecën në bord gjatë natës.
Brenda “Strofkës së Ujkut “, udhëtim në bunkerin sekret ku Hitleri drejtoi luftën dhe i mbijetoi atentatit
Harta e ndërrimit të viteve, bota feston për 26 orë, nga Kiritimati në Samoa, ja kush hyn i pari në 2026
Miura nuk dorëzohet, në moshën 58 vjeçare gjen një klub të ri në Japoni
Broja jep asist, por Burnley mundet nga Newcastle
Vendimi i qeverisë, zbardhet skema e re e kompensimit, nga 600 deri në 1800 lekë shtesë në muaj, ja kush përfiton
Qeveria nderon legjendat, 13 figura të shquara të artit dhe sportit përfitojnë pension të posaçëm
Jennifer Lopez e lumtur dhe e lirë pas ndarjes nga Ben Affleck: Fokus tek puna dhe fëmijët
Dasmë për 80-vjetorin! Këngëtarja “Cher” do kurorëzohet përsëri, partneri i saj 40 vite më i ri: S’më intereson mosha…
FOTO/ Nëna me dy fëmijët humbën jetën në një zjarr tragjik në Angli
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
Shqiptari në Britani shpëton nga deportimi pasi “partnerja nuk i flet shqip”
Rrëzohet aeroplani në Britani, alarm në aeroportin Southend në Londër
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
Bllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
Ironia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …
Bashkimi me euron do të kishte mbuluar koston e NHS-së
Këta janë 10 kandidatët më të votuar në Vetëvendosjes
Emigrantët kthehen, por Shqipëria nuk i mban
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Britania marrëveshje me Angolën dhe Namibinë për kthimin e emigrantëve
Fqinji me Shqipërinë sapo shkroi historinë
-
UK2 days agoFOTO/ Nëna me dy fëmijët humbën jetën në një zjarr tragjik në Angli
-
Albania2 days agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
Albania4 days ago
Shqiptari në Britani shpëton nga deportimi pasi “partnerja nuk i flet shqip”
-
UK4 days ago
Rrëzohet aeroplani në Britani, alarm në aeroportin Southend në Londër
-
Sports2 days agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
Albania2 days agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
UK16 hours agoBllokohet hekurudha Angli-BE/ Probleme me energjinë elektrike, pezullohen udhëtimet për mijëra pasagjerë
-
Albania17 hours agoIronia e një dosje sekrete në Harvard: Amerikanë mbroni Trashëgiminë Ilire, Shqiptarët pas ’90-s e shkatërruan …