Gazetari Blendi Fevziu ka shkruar për një nga peshëngritësit më me zë në Shqipëri, Aleksandër Kondon, i cili gjatë komunizmit ishte arratisur fillimisht në Jugosllavi dhe më vonë në Shtetet e Bashkuara të Amerikës.
Sipas Fevziut, arratisja e sportistit shqiptar në vitin 1985 e kishte tronditur regjimin komunist.
Ai thotë se dy vjet më vonë, Kondo vdiq nga një aksident në New York.
Fevziu shton se vdekja e tij ka mbetur mister dhe shtypi gjithnjë ka aluduar se pas saj qëndron dora e shërbimit sekret komunist.
“Isha në Gjimnaz kur Aleksandër Kondo, një nga tre peshëngritesit me të zëshëm shqiptarë, kërkoi strehim politik në Jugosllavi. Arratisja e tij ishte e bujshme sepse ai ishte ndër sportistët më të njohur në vend dhe shumë i ndjekur nga të rinjtë”.
“Qëllonte shpesh të shkoja në palestren e stadiumit bashkë me shokët për ta parë kur stervitej. Kishte një trup përfekt dhe shumë vete përpiqeshin t’i ngjanin atij. Ikja e Kondos në fillim në Jugosllavi dhe me pas në New York të SHBA-së tronditi regjimin komunist. Për fat të keq Kondo nuk e vazhdoi karrierën e tij sportive. Dy vjet më pas, me 1 maj 1987 ai humbi jetën në një aksident automobilistik në Queens”.
“Vdekja e tij ka mbetur mister dhe shtypi gjithnjë ka aluduar se pas saj qëndron dora e shërbimit sekret komunist. Eshtrat e tij u rikthyen në Shqipëri në fillim të viteve 2000 me këmbenguljen e miqve të tij dhe familjes”, shkroi Fevziu.
