Teksa SPAK vijon hetimet për inceneratorin e Tiranës, i cili është nën sekuestro, analisti Baton Haxhiu ka paralajmëruar se ditët në vijim mund të ketë zhvillime të rëndësishme ku mund të ‘goditen’ zyrtërë të lartë’, përfshirë edhe kryebashkiakun e Tiranës, Erion Veliaj. Sipas analistit Veliajt i ka hyrë frika dhe me vizitat e fundit në Uashington po kërkon mbështetjen e amerikanëve që t’i “shpëtojë” hetimeve për aferën e inceneratorit të Tiranës. Kujtojmë se edhe pse është nën sekuestro nga SPAK, Bashkia e Tiranës vazhdon pagesat miliona euroshe ndaj kompanisë zotëruese të inceneratorit dhe deri më tani organi i posaçëm i akuzës muk ka ngritur hetim ndaj Veliajt.
“Presidentë, ministra, kryetarë bashkie, përfshi dhe atë që kërkon mbështetje ne Uashington janë te trembur nga SPAK. E kam fjalën për kryetarin e Bashkisë Tiranë , Erion Veliajn që me vizitat në Uashington kërkon mbështetje për SPAK”, deklaroi Baton Haxhiu në “Opinion”.
Shpesh herë opozita e ka denoncuar Erion Veliajn si politikanin kryesor të përfshirë në aferën e inceneratorit të Tiranës, por SPAK deri në këto momente ka hezituar dhe ende nuk ka nisur hetimet ndaj kryebashkiakut të Tiranës.
