Dy truprojat e ish-ministrit të Brendshëm Saimir Tahiri, janë arrestuar në Francë dhe Gjermani, pasi ishin në kërkim nderkombëtar që prej një muaji e gjysmë.
Mësohet se Hekuran Marku është arrestuar në Gjermani, ndërsa Agustin Deda, në Francë.
Por, bëhet me dije se Agustin Deda ka kërkuar azil politik në Francë. Kështu që, derisa të shqyrtohet kërkesa për azil ai do të qëndrojë nën masën e detyrimit për paraqitje, por s’mund të levizë jashtë vendit.
Emrat e dy ish-truprojave dolën në operacionin ndërkombëtar të koduar “Shpirti”, operacion ky që vendosi në pranga biznesmenë, prokurorë dhe zyrtarë të lartë të Policisë së Shtetit, të akuzuar si pjesëmarrës në veprimtaritë kriminale të drogës.
