U arrestua të premten burri që u fotografua i ulur në mënyrë të shkujdesur e me këmbët mbi tavolinë në zyrën e kryetares së Dhomës së Përfaqësuesve, Nancy Pelosi.
Personi i quajtur Richard Barnett, 60 vjeç, nga Arkansasi, është dërguar në paraburgim në vendin e tij të lindjes dhe përballet me akuzën për rrethimin e një ndërtese të institucioneve shtetërore, thanë prokurorët.
Ai u arrestua me arsyetimin se ka hyrë dhe ka qëndruar në vende të ndaluara. Ai gjithashtu akuzohet për hyrje të dhunshme dhe vjedhje për pronës publike, shkruan The Guardian, transmeton Gazeta Express.
Barnett e udhëheq një grup që përkrah të drejtat për përdorimin e armëve dhe sipas gazetës The Washington Post, ai është identifikuar si nacionalist i bardhë në një postim në Facebook, disa ditë para fillimit të trazirave.
Për më tepër, ushtruesi i detyrës së prokurorit të përgjithshëm të ShBA-së, Jeffrey Rosen, tha se FBI-ja do të bashkëpunojë me policinë metropolitane të Uashingtonit për ta hetuar vdekjen e zyrtarit policor, Brian Sicknick.
Ai vdiq nga lëndimet e marra gjatë mbrojtjes së institucioneve dhe raportohet se është goditur në kokë me një bombom për shuarjen e zjarrit. FBI-ja ka bërë thirrje që kushdo që ka informata për njerëzit që kanë marrë pjesë në trazira t’i paraqesë ato.
