23-vjeçari shqiptar, Kevin Peraj, është arrestuar nga Policia e Londrës pasi akuzohet për vrasje. Lajmin e ka konfirmuar Policia Metropolitane.
Peraj akuzohet se kishte qëlluar me armë dy persona që ndodheshin brenda në makinë në Stroud Green Road. Nga ky atentat, mbeti i vdekur 19-vjeçari Ahmed Habib, ndërsa personi tjetër mbeti i lënduar, jashtë rrezikut për jetën.
Peraj do të paraqitet në Gjykatën e Magjistraturës Uxbridge të enjten, 18 korrik dhe më pas do të paraqitet në Old Bailey të hënën, 22 korrik.
