Sekretari i Përgjithshëm i qeverisë së Maqedonisë së Veriut, Muhamed Zeqiri është arrestuar nga policia, pasi akuzohet për shpërdorim detyre dhe korrupsion.
Ai u dërgua mesnatën e së enjtes në burgun e Shkupit, pasi Gjykata Themelore i shqiptoi masën e paraburgimit prej 30 ditëve. Zeqiri dyshohet se ka keqpërdorur pozitën dhe autoritetin zyrtar.
Sipas mediave maqedonase ai është marrë në pyetje mëngjesin e sotëm.
Ka përfunduar marrja në pyetje e Sekretarit aktual të Përgjithshëm të Qeverisë, Muhamed Zeqiri. Gjykata penale pritet të marrë vendim pasi të dëgjojë argumentet e prokurorisë dhe Zeqirit. Prokuroria ka kërkuar masën e paraburgimit.
Në një deklaratë për mediat prokurorja Katerina Kolareviç nuk ka treguar se ku janë paratë nga përvetësimi i pretenduar i thesarit të shtetit prej një milion eurosh.
Ajo tha se nuk kanë prova për rastin, por kanë dyshime dhe hetimin e kanë hapur dje kur kanë kërkuar paraburgimin e Zeqirit.
