Vendet në mbarë botën miratuan një marrëveshje historike në Montreal sot të hënën në përpjekje për të ndaluar shkatërrimin e biodiversitetit dhe burimeve të tij, thelbësore për njerëzimin.
Pas katër vitesh negociatash të vështira dhe dhjetë ditë maratonë diplomatike, më shumë se 190 shtete kanë arritur një marrëveshje nën kujdesin e Kinës, presidente e COP15, pavarësisht kundërshtimit nga Republika Demokratike e Kongos. Ky “pakt paqeje me natyrën” i quajtur “marrëveshja Kunming-Montreal” synon të mbrojë tokat, oqeanet dhe speciet nga ndotja, degradimi dhe kriza klimatike.
Vendet kanë rënë dakord për një udhërrëfyes që synon veçanërisht të mbrojë 30% të planetit deri në vitin 2030 dhe të japë 30 miliardë dollarë ndihmë vjetore për ruajtjen e vendeve në zhvillim.
Aktualisht, 17% e tokës dhe 10% e zonave detare janë të mbrojtura.
Drafti ofron garanci edhe për popujt indigjenë, kujdestarë të 80% të biodiversitetit të mbetur të Tokës.
