Franca do i bashkohet Kanadasë, Australisë dhe Britanisë së Madhe në vendimin për njohjen e shtetit palestinez në Asamblenë e Përgjithshme të OKB-së.
Presidenti francez Emmanuel Macron do të bashkëkryesojë samitin në Asamblenë e Përgjithshme të Kombeve të Bashkuara në Nju Jork me Princin e Kurorës së Arabisë Saudite Mohammed bin Salman, i cili do të marrë pjesë nëpërmjet lidhjes video.
Vala e njohjeve të Palestinës si shtet, shton presionin mbi Izraelin, i cili ka një javë që ka filluar ofensivën e tij tokësore në Qytetin e Gazës, në kundërshtim me dënimin global dhe reagimin negativ nga familjet e pengjeve të mbajtura nga Hamasi.
Megjithatë, ka pengesa që shteti palestinez të bëhet anëtar i plotë i OKB-së.
Rruga drejt saj kërkon që të paktën nëntë nga 15 anëtarët e Këshillit të Sigurimit të votojnë pro, dhe asnjë nga pesë anëtarët e përhershëm – Britania, Kina, Franca, Rusia dhe SHBA-ja – të mos e vërë veton.
Nga SHBA-të pritet të ushtrojnë të drejtën e vetos nëse çështja do të paraqitej para Këshillit të Sigurimit.
Meqenëse Kina dhe Rusia njohën shtetin palestinez në vitin 1988, SHBA-të mund të mbeten së shpejti si i vetmi anëtar i përhershëm i Këshillit të Sigurimit që nuk e bën këtë, duke përforcuar mënyrën se si Uashingtoni gjithnjë e më shumë qëndron si një pengesë midis Izraelit dhe izolimit ndërkombëtar në rritje.
