Angelina Jolie është dikush që me dukjen dhe shfaqjen e vet merr vëmendje kudo që shfaqet
E njëjta situatë ka qenë edhe kur e fotografuan paparacët para një restoranti në Nju-Jork.
Aktorja dukej perfekt, ndërsa me veshjen e saj të thjeshtë edhe një herë ka treguar që më pak gjithmonë është më shumë.
Në fakt, Angelina ka veshur një fustan të ngushtë të zi i cili në ije ka një detaj të artë, andaj për bizhuteri efektive nuk kishte nevojë, transmeton Telegrafi.
Mbi fustan aktorja ka veshur një mantel të zi, ndërsa kishte të mbathura çizme lëkure me taka.
Gjithsesi, këto çizme janë një pjesë shumë praktike dhe çdo femër duhet të ketë të paktën një palë në dollapin e këpucëve.
Si gjithmonë, Angelina është grimuar minimalisht dhe shumë njerëz i kanë komentuar buzëqeshjen të cilën ajo nuk e ka hequr nga fytyra dhe kanë theksuar se aktorja duket më e bukur se kurrë.
