Asnjë rast i vdekjes nga COVID-19 nuk është shënuar sot në Kosovë, derisa janë konfirmuar 159 raste të reja.
Kështu ka bërë të ditur ministri i Shëndetësisë, Armend Zemaj. Ndërkaq sipas tij, sot është shënuar numër rekord i testimeve.
“Sot, është shënuar numri më i lartë i testimeve brenda 24 orëve, nga 1.245 mostra të marra, 159 kanë rezultuar pozitiv, ndërsa nuk është shënuar asnjë rast tragjik nga Covid-19”, ka thënë ai.
