Në Komunën e Bujanocit, tashmë zyrtarisht janë të prekur me Covid 19 tre persona. Asnjëri nga ta nuk është i nacionalitetit shqiptar. Detaje për gjendjen atje ka dhënë sot për Express kryetari i Komunës së Bujanocit, Shaip Kamberi.
“Në Bujanoc vazhdon të qëndrojë në tre numri i të prekurve me Coronë. Ata janë të komunitetit serb. Asnjë shqiptarë ende nuk është prekur nga Covid 19. Në vet izolim janë njerëzit që kanë dalë në Kumanovë me 12 dhe 14 mars, për tu furnizuar me karburante. Janë diku rreth 1000 persona nga Presheva e Bujanoci që janë izoluar”, shtoi ai.
Sipas tij, komuna nga buxheti vetanak ka ndarë 5 mijë euro për pako ushqimore. Ndërkohë që thotë se në ndihmë i ka shkuar edhe Qeveria e Kosovës.
“Komuna e Bujanocit nga buxheti i saj ka ndarë rreth 5 mijë euro për paketa ushqimore për familjet me asistencë sociale. I kemi sistemuar 130 familje. E kemi pasur një ndihmë nga zt. Halil Kastrati pra nga shoqata ‘Jetimat e Ballkanit”.
