Duke folur në Komitetin e Punëve të Jashtme të Senatit Amerikan, i dërguari i Uashingtonit për Ballkanin Perëndimor, Gabriel Escobar ka deklaruar se SHBA nuk do të lejojë një “Republikë Sërpska” në Kosovë.
Duke diskutuar mbi Asosacionin e komunave serbe në veri të Kosovës, Escobar tha se SHBA dëshiron që Kosova të marrë për bazë rastin e ndonjë modeli evropian “që nuk shkel sovranitetin, funksionalitetin apo strukturën kushtetuese” të shtetit.
“Ne duam të shohim që Asociacioni të vendoset nën strukturën e shtetit të Kosovës, që ata ta kontrollojnë atë”, deklaroi Escobar.
I dërguari i SHBA-ve, tha se BE-ja ka ofruar disa modele të tilla, që nuk e shkelin kushtetutshmërinë e shteteve. Ai vuri në dukje se 5 shtetet e BE-së, që ende nuk e njohin Kosovën, presin zgjidhjen e mosmarrëveshjeve me Serbinë.
“Nga pala e Kosovës, njerëzit po presin zbatimin e Asociacionit të komunave me shumicë serbe. Nuk mund të shmanget Asociacioni që Kosova të lëvizë drejt integrimit evropian”, tha Escobar.
