thina dhe pjesët jugore të vendit u mbuluan sërish nga pluhuri saharian të martën, me nuancat e verdhë dhe portokalli duke krijuar një atmosferë joreale në qytet.
Retë e pluhurit, të bartura nëpër Detin Mesdhe nga Afrika e Veriut, mbuluan Akropolin dhe monumentet e tjera të Athinës, shkruan “AP”.
Erërat e forta jugore bartnin pluhur nga Sahara, kështu që në orët e fundit të ditës kryeqyteti grek dukej sikur një filtër “Mars” të ishte përdorur për fotografim.
Qielli parashikohet të kthjellohet të mërkurën me lëvizjen e erërave dhe zhvendosjen e pluhurit dhe uljen e temperaturave. Të martën, maksimumi ditor në pjesë të ishullit jugor të Kretës kaloi 30 gradë Celsius, më shumë se 20 gradë Celsius mbi atë që u regjistrua në pjesën më të madhe të Greqisë veriore.
