Një audio e re e Princeshës Diana është publikuar ku dëgjohet të flasë për mënyrën sesi Princi Çarls (Charles) i Britanisë, tani Mbreti Charles III ishte i zhgënjyer që ata u bënë me djalë, jo një vajzë, kur lindi Princi Harry.
Princesha e ndjerë regjistroi një seri kasetash audio në vitet 1990 dhe ia dorëzoi në fshehtësi autorit Andrew Morton para vdekjes së saj në një aksident me makinë në 1997.
Disa nga audiot po dëgjohen për herë të parë përpara një dokumentari që do të dalë vitin e ardhshëm të quajtur, “Diana: Pjesa tjetër e historisë së saj”.
Të enjten u mbushën 26 vjet nga vdekja e Dianës. “Good Morning America i ABC-“së transmetoi ekskluzivisht disa audio të kasetave në të cilat Diana thotë se burri i saj nuk donte të fliste as me njerkën e saj Raine Spencer.
Kjo pasi në pagëzimin e Harry-t, Charles shkoi te mamaja dhe i tha: ‘Ju e dini që ne u zhgënjyem, sepse menduam se do të ishte një vajzë’, Dhe mamaja ju kundërvu duke i thënë: ‘Duhet të kuptosh se sa me fat je që të kesh një fëmijë dhe që është normal’, kujton Diana.
Diana thotë në audio se që nga ajo ditë, “një qepen ra mes tyre që nga ajo ditë dhe këtë ai e bënte sa herë dikush i kundërvihej në përgjigje”.
Princi Herri (Harry) dhe gruaja e tij Meghan njoftuan në janar 2020 se po tërhiqeshin nga rolet e tyre si anëtarë të lartë të familjes mbretërore britanike dhe planifikonin të ndanin kohën e tyre midis Mbretërisë së Bashkuar dhe Amerikës së Veriut, ndërsa punonin për t’u bërë të pavarur financiarisht.
Në regjistrimet e sapo publikuara, Diana diskuton edhe për marrëdhënien e trazuar që kishte me njerkën e saj.
Biografi i saj Andrew Morton tha se ajo nuk mendoi kurrë për asnjë sekondë se Kamila (Camilla) do të bëhej mbretëreshë, kështu që ne kemi një perspektivë shumë të ndryshme për historinë e shpalosur. Gjithsej janë shtatë orë kaseta. Kur u pyet nëse do të publikonte më shumë audio, Morton tha, “Ka interes global, por ne duhet të shohim se çfarë do të ndodhë.”
