Kompania amerikane Novavax ka filluar me testet klinike të vaksinës, kurse drejtori i hulumtimit Dr. Georgy Glenn, konfirmoi se faza e parë e testimit kryhet tek vullnetarët në Australi
Ka filluar procesi eksperimentues i testimit të vaksinës kundër koronavirusit të ri(COVID-19) te njerëzit në Australi, transmeton Anadolu Agency (AA).
Kompania amerikane Novavax ka filluar një provë klinike të vaksinës, kurse drejtori i hulumtimit, Dr. Gregory Glenn, konfirmoi se faza e parë e testimit të vaksinës kryhet tek vullnetarët në Australi.
Si pjesë e fazës së parë, Glenn tha se vaksina e quajtur “NVX-CoV2373” do të zbatohet tek një total prej 131 vullnetarësh, dhe se në këtë fazë do të testohen siguria dhe efektet e vaksinës.
Glenn tha se Novavax mund të prodhojë të paktën 100 milionë doza këtë vit dhe 1.5 miliardë në vitin 2021.
Rezultatet e testit të vaksinës në Melbourne dhe Brisbane priten në korrik.
Pritet që faza e dytë e testit së vaksinës të realizohet pas korrikut mbi mijëra pjesëmarrës në vende të ndryshme.
