Australia është ekipi i parafundit, në pritje të sfidës së nesërme midis Zelandës së Re dhe Kosta Rikës, që kualifikohet për fazën finale të Botërorit në Katar.
Në ndeshjen e luajtur në fushën asnjanëse të Katarit, australianëve nuk i mjaftuan 120 minuta për të mposhtur latino-amerikanët e Perusë, me përballjen që vijoi pa gola por me raste për të shënuar nga të dyja palët, deri në gjuajtjen e penalltive.
Aty, protagonist ishte portieri 33-vjeçar Andrew Redmayne.
Australiani që luan në Sidney u fut nga trajneri australian minutat e fundit shtesë për kapaciteti e tij jo vetëm për të pritur penalltitë, por për të hutuar totalisht kundërshtarin me një lloje vallëzimi të çmendur, që fillimisht shkakton habi dhe skepticizëm, por më pas u shndërrua në armën e duhur për të mundur peruanët.
