Vjena dhe rajonet e tjera lindore të Austrisë do të rikthehen në një bllokim të ashpër gjatë javëve të ardhshme, në një përpjekje për të mbajtur të frenuar përhapjen e koronavirusit.
Pesha e mbylljes do të godasë sidomos pushimet e ardhshme të Pashkëve, me shumë biznese dhe institucione të tjera të mbyllura deri më 6 prill.
Dyqanet që shesin sende thelbësore do të përjashtohen.
Ministri austriak i Shëndetësisë, Rudolf Anschober tha se mbyllja ishte e nevojshme për të ndaluar rritjen e numrave dhe për t’i dhënë spitaleve të mbingarkuara në rajon një shans për lehtësim.
Për momentin, incidenca shtatë ditore për 100 000 banorë në rajon është mbi 300, krahasuar me një mesatare në të gjithë vendin prej 247.
Anschober tha se marrëveshja u arrit vetëm pas një dite negociatash me krerët e rajoneve të prekura.
