Elon Musk ka njoftuar që Tesla ka pezulluar blerjen e automjeteve me Bitcoin. Këtë lajm e bëri publik vetë shefi i kompanisë së makinave elektrike, Elon Musk me një postim në Twitter.
“Tesla ka pezulluar blerjen e automjeteve duke përdorur Bitcoin. Ne jemi të shqetësuar rreth rritjes së shpejtë të përdorimit të lëndës djegëse fosile për rrjetin dhe transaksionet Bitcoin, veçanërisht qymyri i cili ka emetimet më të këqija se çdo lëndë djegëse tjetër”, shkroi në Twitter CEO i kompanisë së makinave elektrike.
“Kriptomonedhat janë një ide e mirë në shumë nivele dhe në besojmë se ai ka një të ardhme premtuese, por kjo nuk mund të vijë si një kosto e madhe për mjedisin”, shtoi Musk.
