Në një deklarate nga Ministria e Mbrojtjes së Azerbajxhanit, njoftohet se janë pritur me një ceremoni avionët F-16 që do të marrin pjesë në “Shqiponja TurAz 2020”
Avionët turq F-16 mbërritën në Azerbajxhan në kuadrin e pjesëmarrjes në stërvitjen e gjerë të përbashkët ushtarake që ka filluar Turqia dhe Azerbajxhani, transmeton Anadolu Agency (AA).
Në një deklarate nga Ministria e Mbrojtjes së Azerbajxhanit, njoftohet se janë pritur me një ceremoni avionët F-16 që do të marrin pjesë në “Shqiponja TurAz 2020” (TurAz Kartalı 2020) që është pjesa ku do të përfshihen elementët ajrore në stërvitje.
Në ceremoni u intonuan himnet kombëtare të Turqisë dhe Azerbajxhanit.
Stërvitja “Shqiponja TurAz 2020” do të vazhdohet në Baku, Nakhchivan, Ganja, Kurdamir dhe Yevlah dhe do të përfundojë më 10 gusht.
Ndërsa stërvitja e forcave tokësore do të vazhdojë në Baku dhe Nakhchivan deri më 5 gusht.
