Avokatja kryesore e Amber Heard ka folur pas humbjes së saj dhe thotë se aktorja nuk është në gjendje të paguajë tetë milionë dollarë (shtatë milionë euro) dëmshpërblim që i detyrohet Johnny Deppit.
Avokatja Elaine Charlson Bredhoft, e cila përfaqësonte Heardin në gjyq, u shfaq në emisionin Today Show të enjten dhe tha se Heard ka ‘arsye të shkëlqyera’ për të apeluar vendimin dhe planifikon ta bëjë këtë.
E pyetur nëse aktorja e “Aquaman” do të ishte në gjendje të paguante dëmet që i detyrohej Deppit pasi një juri justifikoi pretendimet e tij se ajo e kishte gënjyer duke e akuzuar për abuzim gjatë martesës së tyre, Bredhoft u përgjigj: “Jo, absolutisht jo”.
Foto: NBC
Në bazë të vendimit final, një juri në Virginia të mërkurën i dha Deppit më shumë se dhjetë milionë dollarë (nëntë milionë euro) dëmshpërblim.
Në një vendim të ndarë, Heard fitoi gjithashtu një verdikt prej 2 milionë dollarësh (mbi një milion euro) kundër Depp, duke e lënë atë t’i detyrohej atij pak më shumë se tetë milionë dollarë (shtatë milionë euro).
“Është një mesazh i tmerrshëm. Është një pengesë, një pengesë e rëndësishme sepse kjo është pikërisht ajo që do të thotë”, tha Bredhoft për vendimin.
Foto: AP
“Nëse nuk e nxirrni telefonin tuaj dhe nuk e shihni bashkëshortin tuaj ose tjetrin duke ju rrahur, në mënyrë efektive, nuk do t’ju besohet”.
Avokatja këmbënguli se juria në këtë çështje kishte pasur ndikim nga opinioni publik, përfshirë mediat sociale, pavarësisht urdhrave të rrepta nga gjyqtari për të mos lexuar asgjë në lidhje me çështjen jashtë gjykatës.
“Nuk ka mundësi që ata të mos kenë qenë të ndikuar. Ishte e tmerrshme. Ishte me të vërtetë, me të vërtetë e njëanshme”, tha Bredhoft për ndjenjat publike kundër Heard në këtë rast.
Foto: Getty Images
“Ne kishim një sasi të madhe provash të shtypura në këtë rast që ishin në rastin e Mbretërisë së Bashkuar”, tha ajo, duke iu referuar padisë për shpifje të Depp kundër The Sun, të cilën ai e humbi.
E zhgënjyer me vendimin e jurisë ka qenë edhe vet aktorja e cila bëri një deklaratë menjëherë pasi humbi gjyqin kundër ish-burrit.
