Një punonjësi vullnetar në katedralen e qytetit Nantes të Francës, ka pranuar që i ka vënë zjarrin katedrales, duke shkatërruar shumë keq organon e shekullit 17 dhe xhamat e kësaj katedrale.
I akuzuari 39 vjeç, që është azil kërkues nga Ruanda dhe i cili jeton në Francë tash e disa vite, u arrestua në fillim të muajit kur analizat e laboratorit vërtetuan se shkaku i zjarrit kishte qenë zjarrvënia e qëllimshme, ka thënë zyra e prokurorit lokal.
“Klienti im ka bashkëpunuar”, tha avokati Quentin Chabert për gazetën Presse-Ocean të dielën, pa folur për shkaqet, motivet dhe arsyen e djegies së Katedrales së Shën Pjetrit dhe Shën Polit.
“Ai pendohet për atë që ka bërë…klienti im është i konsumuar nga keqardhja”, tha Chabert.
Prokurorët hapën rast pasi që gjetën se zjarri ishte ndezur në tre vende të ndryshme në katedrale, të cilën vullnetari e kishte mbyllur një natë më pare.
Ai u murr në pyetje por u lirua pa akuza, dhe rektori i katedrales tha “I besoj ashtu si i besoj të gjithë ndihmësve këtu”.
Prokurori i Nantes Pierre Sennes tha në një deklaratë se dënimi mund të shkojë deri në 10 vjet burg dhe 150,000 euro.
“I padituri pranoi se kishte ndezur tre zjarre, tek organoja e madhe, tek ajo e vogla, dhe afër panelit elektrik”, tha ai për gazetarët.
Pos organos u dogjën edhe artefakte dhe piktura shumë të vjetra, përfshirë punën e artistit Hippolyte Flandrin të shekullit 19, dhe dritare që përbënin pjesë nga shekulli 16.
