Dhjetra njerëz janë plagosur, gjatë përleshjeve midis azilkërkuesve nga Eritrea dhe policisë izraelite në Tel Aviv. Kundër qindra protestuesve u përdorën granata trullosëse, gaz lotsjellës dhe plumba me majë sfungjeri.
Trazirat u ndezën pasi aktivistët kundër qeverisë së Eritresë thanë se u kërkuan autoriteteve izraelite të anulonin një ngjarje të ambasadës të shtunën.
Por protestuesit u përleshën edhe me mbështetësit e regjimit të Eritresë.
Sipas lajmeve izraelite, demonstruesit marshuan drejt një vendi ku do të zhvillohej ngjarja. Ata fillimisht u mbajtën nga barrikadat e policisë, por më vonë arritën t’i depërtonin.
Banorët thanë se rrugët e Tel Aviv-it qendror dukeshin si një zonë lufte ndërsa helikopterët e policisë gumëzhinin lart dhe oficerët izraelitë qëlluan me armë zjarri në ajër.
Protestuesit u përleshën me policinë, dëmtuan makina dhe thyen xhamat e bizneseve aty pranë./BBC
