Kryetari i grupit parlamentar të Partisë Socialiste, Taulant Balla reagoi sot pas publikimit të lajmit se Presidenti i Parlamentit Evropian, David Sassoli do të vizitojë Shqipërinë në fillim të muajit dhjetor.
Balla shprehu mirënjohjen për Presidentin e Parlamentit Evropian, David Sassoli, i cili ka mbështetur fillimin e menjëhershëm të bisedimeve për anëtarësim në Bashkimin Evropian të Shqipërisë dhe Maqedonisë së Veriut.
Sipas Ballës, Parlamenti Evropian tregoi angazhim të plotë në vazhdimësinë e zgjerimit të BE-së me vendet e Ballkanit Perëndimor.
“Parlamenti Evropian tregoi angazhim të plotë në vazhdimësinë e zgjerimit të BE në Ballkanin Perëndimor. Mirënjohës Presidentit të Parlamentit Evropian për mbështetjen e tij në favor të fillimit të menjëhershëm të bisedimeve për anëtarësim të Shqipërisë dhe Maqedonisë së Veriut me Bashkimin Evropian”, tha Balla./ATSH/
